[Jemmy]

المشاركة الأصلية كتبت بواسطة cooltarroka بما اننا بدأنا نتعرف على بعض أنا كان عندى كام حاجه كده عايز اخد رأيكوا فيها أنا لسه مشترى العربيه من اسبوع تقريبا و للأسف لسه مكتشف ان النور الشمال بتاع المارشدير مش شغال والمرايه اليمين فيها حاجه غلط تقيله اوى و بتعمل صوت تكتكه جامده لما اقفلها , فمش عارف اروح التوكيل يظبطولى الحاجات دى دلوقتى ولا اسيبها وهل هايخدو منى فلوس او حاجه ولا ايه . تانى حاجه بالنسبه للصيانات هل فى صيانه 1000 كيلو ولا 5000 على طول ، وهل فى الصيانات الدوريه بدفع فلوس لو فيه حاجه باظت فى العربيه ولا ايه الكلام . اخيرا بقى سمعت ان انا لازم افرش العربيه وقريت ان احسن حد جينز كار وبعديه سبير كار , بس مش عارف ليه الناس بتقول ان الفرش الجاهز بيقطع الفرش بتاع العربيه , يعنى انا لازم افصل فرش ولا ايه يللا الى يقدر يفيدنى بقى ربنا يكرمه

ألف مبروك على العربية
فى جميع السيارات اللوجان يوجد لمبة مارشدير واحدة فى اليمين اما الشمال فهو فانوس شبورة يعمل عند تشغيل الزر الخاص به وهو موجود فى ذراع الاشارات
بالنسبة للمراية اذا كنت تقصد قفلها بمعنى طيها بالكامل لتكون بجوار الباب فهى فى اللوجان عموما ثقيلة ولكن اذا كانت ثقيلة لدرجة تمنع طيها يبقى فيها حاجة غلط
الصيانة الاولى بعد 5000 كيلو الا اذا كانت هناك مشكلة فيمكنك الذهاب قبل ذلك ولكن فى جميع الحالات يجب ان تحجز موعدا
اى حاجة تبوظ فى العربية يجب تغييرها مجانا اذا كان السبب عيب فى الصناعة وليس ناتجا عن سوء استخدام مثلا او نتيجة حادث