عفشة ولا تيل فرامل
يا جماعة العربية ماتركس المهم فى حاجة مضيقانى جدا. هو صوت بيجى من الفردة اليمين الأمامية. الصوت زى ما يكون فى واحد بيسن سكين على حجر، او بيقطع حته ألمونيتال بمنشار. صوت أحتكاك حديد ببعضة بإختصار. هذا الصوت لا يحدث بإنتظام ولكنه مرتبط بالضغط على الفرامل. يعنى لما اضغط على الفرامل وأسبها وأرجع اتحرك يبدأ الصوت وبعد ثوانى او دقائق يروح لوحدة أو مثلا لو مشيت على ارض غير ممهده.
اليوم لاحظت كمان انى لما بأخد بلاعة صغير على العجلة اليمين بدأ الصوت برضوا هو كان قبلها موجود بعد فرملة وراح ورجع اول ما اخذت البلاعة. مرات بمشى المشوار ومش يحصل الصوت دة أو يحصل مرة واحدة مع فرامل ويختفى فى ثوانى وساعات يطول لدقائق ويحصل بعد التحرك مع كل فرملة. ولاحظت كمان أنى لو سرعت وسقت بعنف شوية ممكن الصوت يروح.
الميكانيكى قالى التيل لسة فى ربعة ويمكن امشى بيه شوية وقالى ان التيل فى رايش وممكن يكون هذا سبب الصوت.
تحليلى المتواضع أن المكبس اللى بيكون فى العجلة مش بيرد كاملا علشان كدة بيفضل زانق التيل فى الطنبورة والرايش يعمل الصوت. يعنى اعتقد التيل فى رايش ولكن البستم اللى بيكون موجود فى الدشمة مش بيرد للأخر علشان يخلى التيل بعيد عن الطنبورة... يمكن تحليل خايب ولكن هذا ما قد أفهمة...
عاوز حد بس يقول لى ايه ممكن السبب فى الصوت المزعج دة اللى بيبدأ مع الفرملة ويفضل يروح ويجى بمزاجة....
|