[مهند سالم]

عربية ممتازة، لو الشخص محافظ عليها وبيصينها كويس هتعيش معاه بدون مشاكل فترات طويلة.
رأيي الشخصي إنها من أفضل عربيات الثمانينات: نعومة وسحب وصالون وشكل، وماتورها بسيط، يني لو دماغك في الميكانيكا وحطيت إيدك معظم المشاكل هتحلها بنفسك.
قطع غيارها معمرة وموجودة ومش غالية، ومش رخيصة. وأفضل ما فيها إنك هتلاقي قطعة الغيار على قد فلوسك، هتلاقي الياباني الغالي، وهتلاقي التايوان والكوري والتركي متوسط السعر، وهتلاقي الصيني والمصري رخيص السعر. ودي بتديك كل الاختيارات، ده غير الاستيراد طبعا، موجود ومتوفر في الحرفيين وعزبة شلبي، وطبعا في بورسعيد.
بقالها معايا ثلاث سنين وماسك فيها ومش ناوي أبيع إن شاء الله؛ لأني كل ما بأظبط فيها حاجة بتريحني.
عربية مكسب بس الحالة الجيدة طبعا، وتستاهل تبقيها معاك.
ودي أسعار بعض قطع الغيار:
ماتور استيراد من عزبة شلبي بكل كمالياته: 1500 جنيه، بالفتيس، بكربيراتير بك كهربا، باسبيراتير الكتروني بالمارش بالدينامو.
ماتور مساحات استيراد 70.
قطمة دركسيون كاملة يمين مش شمال 270.
مارش استيراد 135
دينامو استيراد 150
جوز مساعدين أمامي توكيكو ياباني جداد 550
المساعد الاستيراد أمامي بالسست بالبطاحات 125
بلية خلفي قطعتين 50 ياباني
بلية أمامي قطعتين كبار 70 ياباني
تيل فرامل أمامي تايوان 45
شنبر 110
طقم صباب ياباني 160
الاكسدام الأمامي 200 جديد
الاكسدام الخلفي 200 جديد
الشبكة بالشاسيهات بالفوانيس كاملة استيراد 500- 600 حسب الحالة
الربع الأمامي كامل بالرفارف بالكبوت بالاكسدام بالشبكة بالفوانيس 1000
الأربع بيبان فبريقة من 650- 800 حسب الحالة
ده إلا فاكره دلوقت