عرض مشاركة واحدة
  #3  
قديم 14-06-2008, 09:34 AM
أبو عبد الرحمن أبو عبد الرحمن غير متواجد حالياً
 
تاريخ التسجيل: Jun 2008
المشاركات: 98
أبو عبد الرحمن is a name known to allأبو عبد الرحمن is a name known to allأبو عبد الرحمن is a name known to allأبو عبد الرحمن is a name known to allأبو عبد الرحمن is a name known to allأبو عبد الرحمن is a name known to all
افتراضي رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

بارك الله فيك أخي أحمد
بصراحة كلامي والفتاوى اللي نقلتها واضحة جدًا إن الموضوع ده حرام بلا نزاع، فمش عارف صاحبك ده بيستند على أي شيء ؟!
المسألة ببساطة إن البنك باعك حاجة مش بتاعته ومش في حيازته من البداية، وده خلاف حديث: (لا تبع ما ليس عندك) فلازم البنك عشان ياخد منك القسط لازم يكون هو اللي باعلك العربية من البداية وهو اللي سلمهالك بعد أن كانت في حيازته، لكن الحيلة اللي بيعملوها دي ضحك على الدقون، يعني بدل ما يقولك احنا هنديك قرض تشتري بيه عربية وترجعه لينا بفوايد (الربا يعني) لأ هما لبسوها ثوب ظريف وعصري شوية ويقولك انت اختار العربية اللي عايزها من المعرض وبعدين سدد لنا احنا الأقساط ! مش هي هي برده ؟!
: ((يمحق الله الربا ويربي الصدقات))
وقال سبحانه: ((يا أيها الذين آمنوا اتقوا الله وذروا ما بقي من الربا إن كنتم مؤمنين * فإن لم تفعلوا فأذنوا بحرب من الله ورسوله)) الآية
الموضوع مش سهل يا إخوانا ! المسألة فيها حرب من الله ورسوله !! ومين يقدر يتحدى الله ورسوله ؟!
مع العلم إني رحت (المصرية) اللي في كلية البنات وسألتهم عن موضوع القسط ده من الناحية الشرعية، فقالي الموظف إحنا كان عندنا من يومين هنا الشيخ عطية صقر وأفتى إن موضوع التقسيط ده حرام على البنك لكن مش حرام علينا احنا !!! ههههه
أمال فين قول الله -جل وعلا-: ((ولا تعاونوا على الإثم والعدوان)) ؟!
بس أكيد الموظف ده كان بيشتغلني وبيقول أي كلام وخلاص عشان يقنعني إن الموضوع ده مش حرام ! أو ممكن يكون عطية صقر فعلاً قاله الكلام ده بس ممكن عشان كان مزنوق في حتة بي إم ولا حاجة ! الله أعلم مش عايزين نظلم حد
المهم إن موضوع التقسيط ده أنا بحثت فيه كتير وكان نفسي -والله- يطلع مفيهوش حرمانية عشان نفسي أجيب عربية زيرو بالقسط بدل العربية اللي اتسرقت مني دي -ربنا ينتقم منك يالي في بالي !- بس للأسف ملقيتش مخرج إلا إن يكون المعرض بيقسط من نفسه بدون وساطة بنك، وده إن وجد فهو نادر جدًا وهتلاقي شروطه صعبة جدًا والله أعلم
رد مع اقتباس