اول عربيه مصريه من الالف للياء
فيها ايه لما كبار رجال الاعمال في مصر يحطوا ايديهم في ايدين بعض و يؤسسوا مصنع لتصنيع السيارات لاول مره في مصر وبكده نكون صنعنا اول عربيه صناعه مصريه من الالف للياء ( طبعا هتقولوا تاتا و لا تاتو دي هقولكم انها مستوحاه من العربيه الهندي و ممكن اصلا متكونش العربيه دي موجوده علي ارض الواقع ) و خطوات تصنيع العربيه كالتالي :
اولا : الاتفاق مع احدد مصممي السيارات ( ياريت يكون مصمم مشهور و عمل عربيات شكلها حلو قبل كده ) عشان يصمملنا العربيه و يكون شكلها جميل
ثانيا : مفيش مانع اننا نشتري تكنولوجيا المحرك من اليابان مثلا زي ما الصين ما بتعمل بس طبعا هيكون المحرك خاماته محليه و تصنيعه محلي
ثالثا : و دي اهم نقطه نصمم و نصنع العفشه بنفسنا عشان احنا ادري ناس بطرقنا المقندله و تكون عفشه ناشفه جدا ( مش مهم اوي راحه الركاب المهم انك مهما ترزع بالعربيه مش هيحصلها حاجه )
رابعا : الخامات و التصنيع و كل حاجه يكون محلي و نحاول ان يكون ضميرنا هو رقيب الجوده بتاعنا
و بكده نكون صنعنا اول عربيه مصريه من الالف للياء من دماغنا احنا
ايه رأيكوا في الفكره دي ؟؟؟؟؟؟؟؟؟؟؟
مستني تعليقاتكم علي احر من الجمر
|