[ابو هيما]

المشاركة الأصلية كتبت بواسطة elmanahry شكرا ابو هيما--- الزيوت نوعين مايسمى بال MINERAL OIL وهو الزيت الذى ياتى من تكرير البترول وهم هنا يحولون صنع مايسمى بال VERY LOW CHAIN HYDROCARBON هذا الزيت له عيوبه وهو انه يترك ترسيبات كبريت وزيت برافين على الموتور نوع الزيت الاخر SYNTHETIC OIL وهو زيت معدنى مخلق ويوضع عليه مايسمى ADDITIVES اى الاضافات وهذه الاضافات تختلف من شركة لاخرى لتميز الزيت الخاص بها ولا داعى للخوض فى تفاصيل هذه الاضافات لان انواعها كثيرة والزيت المعدنى ميزته طول مدة استخدامه وعدم ترك ترسيبات على الموتور بل نوع من الاضافات تسمى DETERGENTS وهى اضافات لازالة اى ترسيبات نتجت عن زيت سابق اما الارقام التى تكتب على الزيت مثل 5W-40 حرف W هنا يعنى WINTER START اى فى اى درجة حرارة تحت الصفر تستطيع ان تبدا ادارة المحرك حرف 5W معناه ان تبدا ادارة المحرك ابتداء من 25 درجة تحت الصفر الى 46 درجة تحت الصفر وعلى سبيل المثال زيت LIQUI MOLI TOP TECH 4200 5W-30 تستطيع ادارة سيارتك فى درجة حرارة 46 درجة تحت الصفر وهذا مايسمى بال POUR POINT اى قدرة الزيت على عدم التجمد وبداية تسلله وسط اجزاء المحرك فى بداية تشغيل الموتور اما الرقم الاعلى 30 او 40 او 60 فهى قدرة الزيت على الاحتفاظ بدرجة مرضية من اللزوجة فى اقصى ظروف التشغيل والحرارة العالية وهذا مايسمى بال VISCOSITY INDEX لو تتبعت هذا الرابط فى مناقشة عن احد الزيوت سوف تجد هنا وهناك بعض المعلومات عن الزيوت http://www.masrmotors.com/vb/showthread.php?t=64941 وشكرا جزيلا

الأستاذ/ elmanahry
أشكر حضرتك على الرد ..بس كان فى حاجتين مفهمتهمش من كلأم حضرتك وأرجو من سيادتك التوضيح ألأ وهما :
1)اللى أنا فهمته كده من كلأم حضرتك بالبلدى أن المعدنى هو اللى بيترك رواسب على الماتور لأنه مش معالج زى التخليقى ( تمام كده ) .. طيب ليه فى ناس بتنصح باستخدامه وليه هو معمول أصلأً لو ليه نتايج سلبية .. طب ما الأحسن أن كل الناس تشترى دماغها وتغير على كل 10000 ك بالتخليقى وبكده يكون حافظ على الماتور وريح نفسه من كل شوية يروح يغير زيت... وعلى فكرة أنا من يوم ما جبت عربيتى وأنا ماشى على المعدنى لأنهم بيقولوا أنه بيغسل الماتور وبينضفه ولما حبيت أنى أغير لتخليقى قالولى غلط ولأزم تشترى علبة فلأش عشان تغسل الماتور من جوه وكمان تغير معاه فلتر .. طب الصح فين وأيهما أفضل المعدنى أم التخليقى .وهل يبقى الأسلم أن أختار الوسط .. يعنى أنا عرفت أن زيت شيل ال5000 هيلكس بلأس هو عبارة عن زيت معدنى وتخليقى .هل ترشحه لى فى الأستخدام وبكده نكون مسكنا العصاية من النصف ؟!!!!!!!!!!!. . وأيهما يستحمل درجات الحرارة العالية زى عندنا فى جنوب سيناء .معدنى أم تخليقى أم وسط بين هذا وذاك . فأرجو التوضيح فى هذه النقطة؟


2)النقطة الثانية وهى :
موضوع حرف الw وهو الذى يشير الى أدارة المحرك فى درجة حرارة تحت الصفر .. كده يبقى معناها لما أشوف جيركن مكتوب عليه الحرف ده أبعد عنه ؟ لأن ده ما بيناسبش بلدنا وبينطبق على البلدان الأوربية !!!!!!
أنا مش فاهم النقطة دى , لأن أحنا بلد حر ودرجة حرارة الماتور بتزيد أكتر مع الوقفات الكتير وزحمة المرور والتكيف .. يبقى أحنا محتجين العكس مش الWINTER START وأرجو كمان توضيح نقطة الحروف الأخرى اللى بنجدها مكتوبة على الجراكن زى SM...SJ..XPH..APLمش فاهم حاجة خالص ؟!!!!!!! وبتوع البنزينة كلهم من كبير لصغير فى كل محطة مش فاهمين هما كمان حاجة وتيجى تبص على المكتوب على الجيركن بالعربى فى الضهر فتلأقى الكلأم واحد ومتكرر بنفس المنظر على كل الجراكن ( يعمل تحت الظروف الصعبة وذو كفاءة عالية )

3) أنا كمان عاوز أعرف رأى حضرتك فى الزيوت الوطنية زى مصر 1 اللى بيتباع فى محطات مصر للبترول ..طب والله انا قرأت كلأم كويس أوى عن الزيت ده وناس بتشكر فيه أوى وهو على فكرة بيستخدم أيضاً للعربيات الحديثة وفى الأصل هو زيت معدنى بس محسن ولزوجته عاليه وبيمشى 7000ك وسعره 95 للجيركن .
وفى كمان جيركن زيه ذو كفاءة فى محطات التعاون وهو أيضاً للعربيات الحديثة وجيركنه أصفر وأسمه XPL SM وده سعره 98 ج وبيمشى نفس المسافة .. والله أنا شايف أن الأتنين دول أحسن من موبيل بس للأسف مفيش دعاية لأنهم شركات حكومية فمش بيهتموا بالتسويق ..فيا ترى أيه رأى حضرتك فى الكلأم ده وأيهما ترشح ؟!!!!
بالنسبة بقى للزيت اللى حضرتك كنت فتحت ليه موضوع خاص وهو الزيت الألمانى ياترى عامل أيه معاك وسعر المعدنى منه بكام وبيمشى كام كيلو وهل يا ترى بيخدوا كتير على الشحن ؟!!
أنا شاكر جدأً لحضرتك وأسف على الأطالة

3) النقطة المهمة أوى بالنسبة لى وحضرتك كنت أثرتها فى موضوع أخر وهو ذلك الزيت الألمانى