[ابو هيما]

كثيراً منا يقوم بتغير زيت السيارة وكل اللى يعرفه عن الزيت أن هذا الزيت بيمشى 10000 وأخر بيمشى 3000 أو 5000.
لكن كثيراً منا لأيعرف هذا الفرق الكبير بين ما يسمى الزيت التخليقى واللى هو بيمشى 10000 ك والذى يتميز بلزوجة عالية والعمل فى أقصى درجات الحرارة العالية مثل موبيل 1 وبين ما يدعى بالزيت المعدنى والذى يمشى 3000 ك مثل موبيل XHPوهو يتميز بلزوجة أقل , وأى حد ممكن يعرف اذا كان الجيركن تخليقى ولأ ومعدنى لو بص على العبوة , فلو هو تخليقى فهيلأقى الكلمة دى FULLY SYNTHETICوأما بقى اذا كان معدنى فهتلأقى كلمة MINERAL OIL ..أنا بصراحة معلوماتى مش كتيرة فى الموضوع ده وعشان كده أنا برجو من السادة الأعضاء أنه يكون موضوع للحوار وكل واحد يضيف اللى يعرفه عشان الجميع يستفيد وتعم الفائدة .
بس فى حاجة مهمة أوى وهى -لما حاولت أبحث عن موضوع الزيوت أكتشفت أيضاً أن موبيل 1 ده مش هو يعنى رقم واحد وأن الدعاية والأعلأنت هى اللى شهراه وأنا على فكرة مش بعيب ولكن أنا بوضح أن الدعاية بتلعب دور كبير جداً وأن فى حاجات تانية أحسن منه .
مثلاً على سبيل الذكر وليس الحصر ( شيل ألترا )وزيوت كالتكس وتوتال ال 9000 وكمان زيوت الأمارات وديه بتتعبأه بمسدس فى محطاتهم المختلفة ... والمفأجاة بقى يا جماعة واللى ما يعرفهاش ناس كتير أن كل الزيوت أصلها واحد ولكن الذى يفرقها عن بعضها هو الأضافات التى تقوم بها كل شركة وأخرى ... وعلى فكرة معظم الشركات الكبيرة مثل موبيل وشيل وده أنا عرفته من خلأل أكثر من موضوع قرأته بتقوم بخلط زيوتها وتعبئتها بجراكنهم فى مجمعات خلط مصر للبترول ... وهو ده وبصراحة اللى خلأنى أنى أفكر فى منتجات هذه الشركة مثل زيت مصر 1 أبو جيركن أزرق والذى يتميز بلزوجة عالية وكفأءة فى العمل تحت أعلى الظروف الحرارية وده سعره 95 جنيه وبيمشى 7000 ك , وفى كمان جيركن أصفر تقريباً زيه فى نفس الكفاءة وبيتباع فى محطات التعاون وده أسمهXPL SMوسعره 98 جنيه وبيمشى برده 7000 ك .. والزيوت ديه كويسة جداً وذات لزوجة وأضافات جيدة وناس كتير بتشكر فيها ولكن ما يعيبها هو أنها تتبع القطاع الحكومى فعشان كده مش معملها دعاية كويسة زى موبيل وغيره ..
السؤال اللى محيرنى ويصراحة لسه مش لأقى معلومات وافيه عنه وهو تلك العلأمات والأرقام المزدوجة اللى بتتكتب على الجراكن ويصراحة مش فاهما والبياع اللى فى البنزينة اللى بيبيع مش فاهم حاجة وبيبيع وخلأص .. فأنا عاوز أعرف منكم يعنى أيه جيركن يبقى مكتوب عليه 20-W50
وأخر SM..SJ..XPH..XPL
أنا بصراحة عاوز أفهم وأكيد كتير من الأعضاء بيشاركونى نفس الرأى ونفسهم هما كمان بفهموا.
أشكركم مقدماً وفى أنتظار ردودكم .