[sayed2077]

بسم الله الرحمن الرحيم

طبعا بس قبل ما اقول اى شىء انا موزع من شركة زادوا بقالى حاليا حوالى سنه ونصف واللى عموما يمكن قبل ما اكون موزع فى شركة زادوا كنت عضو فى مصر موتورز من اكتر من خمس سنين
واعتقد ناس كتير اوووى اتعامل معايا سواء فى التليفون او من خلال المنتدى او من خلال الفيسبوك او حتى اننا اتقابلنا

دلوقت استاذ Doda2007
بيقول اننا كموزعين غلطنا فيه وده لو انا غلط فيه فقدر اقول قدامكمانه محصلش بالعكس استاذ محمود هو اللى وصفنا ب ال رباطيه والعصابه على جروب الاكسيل على الفيس بوك
المهم
-------------------------
بدائت المشكله انى لاقيت استاذ محمود منزل بوستات تقريبا على جروبات السيارات على الفيس بوك ثم بعدهم على المنتديات ان زيت زادوا مضروب وانه بيشتكى انه اول ما حط الزيت لمبة الزيت نورت وده طبعا شىء ليس للزيت ناقه ولا جمل فيه المهم ناس كتير ردوا عليه قالوله انت لو حطيت فى العربيه زيت اكل فاللمبه مش هتنور لان لمبة الزيت بتنور بس فى حالة ان ضغط الزيت ضعيف طب ايه اللى فى الحاله ديه بخلى اللمبة تنور حاجه مالهاش تانى وهى ان فلتر الزيت مسدود سواء هو جاب فلتر زيت جديد او استخدم الفلتر الزيت القديم خصوصا ان العربيه اللى مع استاذ محمود هى عربيه اسبيرانزا 516 بقالها معاه حوالى شهر واحد فقط لا غير فممكن يكون كان مغير زيت من قريب ومرضيش يغير الفلتر فى مع غيار الزيت ده او يكون جاب فلتر زيت مضروب وما اكثر فلاتر الزيت المضروبه فى السوق واستخدمه واعتقد المشكله بتاعت ان حد فينا يجيب فلتر مضروب ويطلع مسدود حصلت مع كتير مننا تانى حاجه ارجحها مع الموضوع ده وهى ان زيت زادوا يعتبر من اقوى الزيوت فى مجال الاضافات المضافه اليه ومن خصائص الاضافات هى التشحيم والمحافظه على الزيت من العوامل الحرارية والميكانيكيه و تنظيف ما بداخل المحرك وديه احط تحتها الف خط حضرتك دلوقت مشترى عربيه مستعمله ايه عرفنى ان الراجل اللى قبل كان بيسيب زيت الماتور لفترات اطول من اللى المفروض بيخدمها الزيت بالتالى حضرتك جيت حطيت زيت زادوا واضافات تنظبف المحرك من الداخل كانت فعاله اخدت الرواسب ونزلتها على الفلتر وطبعا مع فلتر زيت مضروب راح مأثر على ضغط الزيت ونورت ويرجع ان فى الاخر برضوا الزيت ليس له ناقه او جمل فى الموضوع

نيجى لحاجه تانيه لسه زميل فى المنتدى متكلم عليها وانا كمان كلمت استاذ doda2007 عليها وهى ان انت دلوقت اشتريت منتج ولقيت ان المنتج وحش ليه متكلمش الوكيل بتاع المنتج وتاخد حقك منه ليه متكلمنيش انا كموزع للمنتج وانا هجيبلك حقك ليه اختارت اسهل سكه انك قعدت تشهر بسمعة الزيت وتوصفنا اننا عبار عن رباطيه وعصابه حضرتك ليه ما اخدتش الموضوع بمسارة المتعارف عليه دائما وهو انى برجع للوكيل الاول والله كنت لقيت رد معجبكش وانا متأكد انه مستحيل انه يحصل كنت اعمل اللى انت عاوزه بس للاسف حضرتك اخترت انك تسوء سمعه زيت فعلا من انضف انواع الزيت الموجود بالسوق المصرى من سنين ويعتبر من اوائل انواع الزيوت المستورده اللى دخلت السوق المصرى واثبتت كفائتها خصوصا انه ورا الزيت ده معامل ابحاث متطوره غير ان النفط الاساسى اللى مصنوع منه الزيت من ابار نفط بحر الشمال بأوربا وهى من انقى وافضل انواع النفط فى العالم
-------------------------------------
طب جيت اتكلمت مع استاذ doda2007
وقلتله حضرتك ابعتلى الزيت نظرا لانه ساكن فى سوهاج وانا من القاهره وانا هحطه فى عربيتى الخاصه وهصور فديوا واحطه للناس ونشوف اللمبه هتنور ولا لا وطبعا الزيت اللى يخلى عربيه لمبة الزيت بتاعتها تنور يبقى المفروض لو الزيت وحش اللمبه تنور فى اى عربيه تانيه والا يكون الزيت مالهوش دخل بالموضوع قالى لا وانا ايه يضمنى انك هتحط الزيت بتاعى قلتله خلاص اختار ناس هياخدوا منك الزيت وانا هحطه ادام الناس ديه اختار الناس وقالى قدامهم هتحط الزيت قدامهم لو اللمبه نروت هكون ملتزم برد ثمن الزيت كاملا وانا قلتله موافق وقالى انى هكون كمان ملزم بانى اعتذر للناس كلها وقولتله انى موافق على كل كلامه فقولته طب ولو اللمبه منورتش قام مردش عليا قام واحد من الناس اللى هو اختارهم حكم ان اللى يكون غلطان فينا يدفع 500 جنيه للاخر وانا قولت للناس انى موافق على الكلام قام هو قال انه مالوش دعوه بالموضوع ده وافرض ان اللمبه منورتش عندى ؟؟؟ طب يعنى الزيت هيخلى اللمبه تور عند حضرتك وعندى انا مش هتنور ازاى؟؟!!! كلام نحسبه بالعقل
ما المفروض لو الزيت مضروب فعلا زى ما استاذ محمود بيقول يبقى كدا الزيت زى ما خلى لمبة الزيت تنور عنده زى مالمبة الزيت تنور عندى انا كمان والا زى ما قولت قبل كدا يبقى الزيت ليس له ناقه ولا جمل فى كل الاتهامات الموجه اليه نهائيا

مع العلم ان ناس كتير يعلم الله انى مقولتش لواحد فيهم كلمه ولا قولتله رد ولكنهم كلهم ردوا من ذات انفسهم انهم بيستخدموا الزيت من فتره طويله ومحدش اشتكى نهائيا منه غير انى يشهد الله بستخدم الزيت ده من حوالى سنتين وساعتها كنت انا عضو نشط جدااا فى المتنتدى وبعمل مواضيع كتير وليا مصداقيه عند الجميع فوقتها اتقالى ان فيه شركة اسمها زادوا بنتنتج زيوت ومرممات هتدينى منتجات بحوالى 500 جنيه بس بشرط ايه هو اغرب شرط سمعته فى حياتى ركزوا فى الكلام اللى جاى
الشرط ده كان انى اقول رائى فى المنتج ده بكل صراحه تامه
لو المنتج ده لقيته كويس اقول للناس ان المنتج ده كويس
ولو
لقيته وحش اطلع واقول للناس كلها يا جماعه الزيت ده مينفعش
انا الصراحه كنت حابب موضوع ان الشركه تكون داخله بقلب اووى كدا وده ان دل فيدل على الجوده العاليه على منتجتهم ويعلم ربنا انى عملت ثلاث تقارير عن الزيت كنت كاتبها بكل مصداقيه وشفافيه بعد تجربه استمرت حوالى اربع شهور
وكان ما بين كل تقرير والاخر فتره زمنيه
وكنت كاتب فى التقرير وقتها رغم انى كنت لسه لا بقيت موزع للشركه ولا شىء انى احب اشكر وكيل زادوا لانه فعلا جاب للمصرين منتج محترم يقدر ينافس جميع الشركات الموجوده بالسوق المصرى وبعد تجارب اخرى لمده ست شهور مع اقاربى كنت اتخذت قرار بانى اكون موزع لزيوت زادوا لانى لقيت انى اقدر استمر بسمعتى الطيبه مع منتج محترم وده اللى يهمنى قبل كل شىء

ولكن للاسف فى الاخر طلعت انى رباطيه ومشترك فى عصابه وحتى بعد ما عرضت على الاستاذ محمود انه يبعتلى الزيت وكان مش دينى الامان وخاونى على انى ممكن ابدل الزيت رغم ان هو كمان ايه الضمان ان الزيت اللى هيبعتهولى هو ده زيت زادو

فى نهاية كلامى انا بقالى قى مصر موتورز حوالى خمس سنوات لو تقدروا جميعا تراجعوا مواضيعى بالكامل لو حسيتوا للحظه واحده انى غشيت حد قبل كدا او ضحكت على حد يبقى اعرفوا انى ممكن ابيع منتج مضروب زى ما الاستاذ محمود ما بيقول
وديه المواضيع اللى اتكلمت فيها عن زيت زادوا
ساعة ما كنت عامل تجربه عنها

الجزء الاول
تجربتى مع زيت XADO مع مجموعه مرممات الماتور والفتيس موضوع طويل الامد حصرى على مصر موتورز - مصر موتورز مجتمع وسوق السيارات العربى
الجزء الثانى
الجزء التانى من تجربتى مع زيوت ومرممات زادو XADO بعد 1500 كيلو متر من العمل الشاق - مصر موتورز مجتمع وسوق السيارات العربى

الجزء الثالث
الجزء الثالث و الاخير من خلاصة تجربتى مع زيوت ومرمات XADO (زادو) - مصر موتورز مجتمع وسوق السيارات العربى

--------------------------------------
واسف على طول كلامى ولكن كان يستلزم على توضيح الحقائق للناس

والله على ما اقول شهيد