والله كلامك مفيد جدا بس انا عندي مشكلة يمكن الاقيها حل عندكم
انا عندي فريزر المهم اتخرم وكان زي الفل قبل ما يتخرم هوا في البداية ضعف وبعدين فضي الشحن بتاعة خالص وغيرت له القميص وشحنته طبعا فني الي عمل الكلام دا وقلته اطمن علي الكباس قبل الشحن فجرب الضغط بتاعة عن طريق انه شغل التلاجة وسد الخروج بتاع الكباس بصباعة فلقي الكبس بتاعة جيد المهم اشتغل الفريزر وكله تمام بس اكتشفت حاجة الكباس بقي بيسخن زيادة عن اللزوم لدرجة انه بيفصل من شدة الحرارة بتاعة الكباس طبعا الكلام دا صيفا والفني قالي الكباس بقي ضعيف وقالي ركبلة مروحة للكباس تشتغل مع الكباس وتفصل معاة انا بصراحة كسلت علشان الشتا دخل والمشكلة مبقتش واضحة بس الصيف علي الابواب فا لو ليها حل تاني عندكم ولا اية سبب الموضوع دا
