المشاركة الأصلية كتبت بواسطة mosomodo
بس قطع الغيار لدايو او للفرنا متوفرة جدا بس للاسف بالنسبة للوجان لأ وعشان كده عملت موضوع لقطع الغيار عشان نساعد بعض و مازالت المشاركة فيه ضعيفة جدا.
|
عربية جديدة فى السوق واغلب العربيات لسة فى ضمانها حنحتاج نشترى قطع غيار ليه الا لا قدر الله حد عمل حادثة ومافيش حد فينا بيعمل حادثة قوية كل يوم
......................... ........
انا عملت 3 حوادث باللوجان ... فيهم واحدة قوية شوية ... ال 3 تمن الاصلاح اتكلف 1500 جنيه من ضمنهم فانوس اشتريته من التوكيل وباقى الشغل برة التوكيل
لان كلام التوكيل كان غالى شوية بس موصلش لدرجة الخزعبلات بس بردو كان غالى
والحمد لله مافيش مشكلة حاليا
......................... .......
ما ينفعش نجيب اسعار طالعة من التوكيل لشركة تأمين .. دى حاجة تانية خالص
......................... ......
اسعار قطع الغيار واسعار العربيات غليت فى الفترة الاخيرة ... السوق مش كويس ولاحظ ان الاستيراد كان واقف بقاله فترة
......................... .....
استهدوا بالله العربية مازالت حديثة فى السوق المصرى ومع ذلك بتلاقى اللى انت عايزه خارج التوكيل مع شوية بحث
التاجر عمره ما حيشترى قطعة غيار الا لما الاسعار تستقر اومال حيجيب شحنة قطع غيار وتفضل عنده فترة كبيرة بسبب ان العربيات الموجودة فى السوق كلها جديدة ومالهاش اعطال .. ويفاجئ ان اسعار القطع رخصت ويلبس السعر القديم
الموضوع محتاج شوية وقت علشان نلاقى قطع الغيار فى السوبر ماركت بالذات فى ظل الاحداث اللى بتمر بيها مصر .. السوق غير مستقر بامانة على كافة المستويات
......................... ...
خلاصة الكلام ... اى توكيل حتدخلوا وانت عامل حادثة وكمان مأمن مع شركة تامين
ماتنتظرش من التوكيل انه يطبطب على شركة التامين ... بالاضافة انه لسة فى خبير التامين بيروح يعاين العربية ويفاصل كتير جدا وبيكون فى شد وجذب بين شركة التامين والتوكيل
......................... ..
لو مش مأمن بتبدأ تدور على قطع الغيار اللى انت محتاجها برة التوكيل ... ولو فيه قطعة مش لاقيها بتتوكل على الله وتشتريها هى بس من التوكيل والشغل يكون برة
زيها زى اى عربية الشغل فيها سهل ومش معقد
......................... ..
وحدوا الله احنا بنتكلم عن شوية حديد على عجل ... وربنا يحفظكوا من كل شر