شوية اسئلة ساذجة تخص تيداوي جديد
بسم الله الرحمن الرحيم
السلام عليكم ورحمة الله وبركاته
إن شاء الله سوف استلم سيارتي الجديدة تيدا 2011 اسال الله ان يرزقني خيرها و يكفيني شرها و يعينني على اداء شكرها و لكن انا لم اسق اتوماتيك في حياتي ابدا و لا سيارة بتكييف ( مش قلت لكم ممكن تكون حاجات ساذجة) لكن الانسان يتعلم طالما يحيا . انا قريت عن استخدام الفتيس الاتوماتيك و الى حد ما فهمت كتير بس السؤال هل يلزم اجراء معين قبل وضع الفتيس على اي وضع مثلا مثل موضوع الدبرياج في المانيوال . و انا طالع بالعربية انقل و بعد كدة احط رجلي على البنزين ولا لازم اكون حاططها مسبقا و لا اكون حاططها على الفرامل؟.فارجو تفصيل ذلك طبعا ده غير الوضع 1 و 2 و الاوفر درايف بس ممكن محتاجهمش الا بعد ما اخد على الفتيس.
ثانيا موضوع الار بي ام و ضبطه و الحركات دي برضه ماليش فيها مش فاهم ايه شروطها. و هل الكتالوج اللي مع العربية فيه شرح لكل الامكانيات و الكماليات بصورة كافيه و واضحة؟ لو فيه هيريحني لأني من النوع اللي بيحب يطبق الكتالوج بحذافيره لغاية ما افهم و لا السيارة ليس لها كتالوج اساسا؟
و لو حد عنده معلومة تفيدني في بداية استخدامي للسيارة.ارجو تكونوا فهمتوا الكلام اللي معرفتش اكتبه او متوقعتش اني احتاجه فياريت يعرفني
ملحوظة انا عارف ان الاسئلة ممكن تكون تافهة او ساذجة بس يمكن لني كان حلمي التيدا خايف منها بس و الله انا مش صعب اتعلم بس المشكلة ان سيارتي الحالية ماروتي مفيهاش لا ار بي ام و لا اتوماتيك و لا تكييف فاعذروني.
اخيرا شكرا لكم جميعا لأني اتعلمت منكم كتير و اهم حاجة اتعلمتها اني لما اجيب لازم اجيب تيدا و حاجات تانية كتير
و جزاكم الله كل الخير
|