[zing0]

والله هذا الكلام لهو من صميم الاسلام فالدين هو المعامله ولكن اخشى ان تكون هذه المعاملات قد اصبحت عمله نادره فى وقتنا الحاضر ( الا ما رحم ربى ) . وقد حدث معى موقف مشابه لكثير من المواقف التى عرضتموها وهو اننى عند شرائى لسيارتى اخذ البائع يحلف ويتحالف انها فابريكه بالكامل وكل حاجه فيها سليمه والموتور تمام زى الجديد ومش عارف ايه وانا للاسف صدقته ولكنى غلطت انى وثقت فيه ولم اتى بميكانيكى ولا سمكرى يشوفوا العربيه وبعد مااخدتها تخيلو لقيت الموتور عامل عمره قبل كده ولقيتها رشه بالكامل ولكن والله صرفت عليها مصاريف كانت تركبنى عربيه زيرو لغاية ما خليتها فعلا ع الزيرو ولكن كنت كل ماجى اكتشف حاجه وافتكرانه قالى عليها انها زى الفل كنت بتحسبن عليه واقول امرى لله واعملها واقول عربيتى وانا راكبها ولازم تبقى تمام ولانى حابب العربيه مفكرتش انى اغيرها ولقيت انى صرفت عليها كتير قوى ولو بعتها هتبقى الخسائر فادحه لان محدش هيقدر الصرف عليها وفى الاخر الحمد لله.

سبحان الله كأنك بتحكى اللى حصل معايا مع إختلافات بسيطه, عارف لما اللى بيبيع يحسسك أن الميكانيكى اللى بيكشف عالعربيه هيبيعك ليه و يعمل عليك شغل علشان تصدق إن الموتور بيعرق _ و هو محتاج شغل عمرة - و تلاقى العربيه اللى بيقولك إستخدام بيتى و متصانه و و و تطلع آخر مره حط لها زيت من 00000000 سنه و كل حاجه بقت تعبانه و عاوزه تتغير و تتشد و .... لا حول ولا قوة إلا بالله, حسبى ربى