[Mr.NoLoVe]

حضرتك مش بتحسبها صح بص يا باشا التوكيل لو لقى الاكصدام متنى هيقولك غيره وممكن تعدله بره ب 10 جنيه و 10 رش بقى زى الفل التوكيل بقى يقولك الاكصدام 800 جنيه يعنى فرق 780 فى حاجه واحده بس احسب بقى

انا بقول لو لقدر الله عربيتى اتخبطت نفس الخبطه هوديها بره التوكيل ولو اتكلفت منى 2000 جنيه هبقى صرفت عليها بضمير
لكن ده واحد مأمن على العربيه يعنى مش واجعاه الفلوس اللى هيدفعها والتأمين هيشيل الليله
والله انا شوفت الخبطه وتقديرى ليها علشان جامده شويه 5000 جنيه بزياده كمان

واتمنى من صاحب الموضوع بلاش تشويه صوره اللوجان علشان كده عيب عليك فى ناس كتير بتبقى بتموت فى العربيه ونفسها تشتريها ولمجرد حادثه الناس تقرأ الموضوع وتكرها نفسها

حرام عليكم والله زى ما بقلكم لو الخبطه بسيطه او جامده خليك بره التوكيل فى صنايعيه بره احسن ميت مره من التوكيل فى الحرفين وبورسعيد وبترجع العربيه احسن من الاول كمان وغير كده قطع غيار العربيه بقى بره التوكيل *****فى شارع دمشق الرفرف ابو 700 جنيه فى التوكيل بره ب 300 جنيه والمقص ابو 550 جنيه بره الاتنين ب 400 جنيه والفانوس ابو 660 جنيه بره ب 350 جنيه فى التوكيل بصوا لفرق السعر وركزوا هتلاقوا ان خبطه الراجل دى مش هتكلفه حاجه بره التوكيل وصدقونى فى بره صنايعيه احسن ميت مره من اللى جوه التوكيل
وانا كنت سألت على كوبلن اللوجان قالولى 3500 للواحد بره التوكيل لقيته فى التوفيقيه فى محل مش فاكر اسمه بالظبط بس هو كان قريب من المول ب 600 جنيه تقريبا يعنى فرق 2900 جنيه اينعم هو *****من التوكيل بس هنقول ايه وكل توكيلات مصر كده لان كوبلن الفيرنا فى التوكيل ب 2700 جنيه قريب جدا من اللوجان ولازم تعرفوا ان قطع غيار الاوروبى معمره عن قطع غيار الكورى يعنى اه هتدفع 3500 وتدفعهم كمان 8 سنين ولا حاجه ولا تدفع 2700 جنيه وتدفعهم كمان سنتين

انا خلصت الكلام فى حوار اللوجان ده وارجوا من حضراتكم اللى عنده مشكله يعرضها وممكن نساعده لكن مش من الباب والطق تحكى مشاكل غيرك هو ما عينكش المحامى بتاعه كفياكم فتى و بطلوا تكرهوا الناس فى العربيه ده احنا ما بنصدق ان واحد يشتريها لاننا مستفيدين وهو مستفاد هو اشترى عربيه تحفه واحنا كسبنا انتشار للعربيه

انا خلصت الكلام ده قشطه محدش بقى يفتح بقه

اسف على الاطاله لكن للضروره