المشاركة الأصلية كتبت بواسطة dego_story
بالتوفيق طبعا ياريس .. بس هو ليه غالى كدة والكورس انت بتقول 7 حصص .. يمكن حضرتك هتعلم على عربيات متاجرة .. وساعتها الكورس يوصل للسعر دا .. بس فى حاجه ياباشا اللى عايز يتعلم احيانا وفى الاغلب يعنى بياخد اكتر من 7 حصص المكاتب فى اسكندريه شغاله كله فوق ال7 حصص وبنص تمن حضرتك بجانب حصص نظرى اشارات وارشادات لامتحان المرور .. وكمان فى حصه او 2 اضافيه للتعريف باجزاء العربيه والنصائح الاوليه لبعض المشاكل ..انا فاكر انى اتعلمت فى مكتب ومش من فترة بعيدة اخدت 9 حصص منهم 2 (\اس) عشان امتحان الرخصه ..وواحدة نظرى يعنى المجموع 10 ب180 جنيه ^_^ وفى مكتب مشهور وعندة عربيات كتير .. انا مش قصدى حاجه بالكلام دا انا بس بقول حضرتك على البرامج اللى شوفتها وبالتوفيق ان شاء الله
|
يا باشا الاسعار بتختلف من مكان لمكان وصدقنى انا قبل ما افكر اعمل الموضوع ده سالت كتيير ف مكاتب تعليم سواقه والعرض اللى انا عامله ده مافيش حد ف القاهره كلها عاملوا سواء ف السعر او ف العدد ومتنساش ان المفروض ان الحصه ساعه انا عاملها ساعتين يعنى انا بدى 14 حصه مش 7 بس غير كده ان كل المدربين محترفين بشكل يقدر يخلى العميل ممتاز ف السواقه من غير اى مشاكل عمتا شكرا ليك او كنت حابب تلفت نظرى لمعلومه معينه بس تصدق بالله انا فيه ناس قالتلى ان كده هتشتغل بخساره على السعر اللى حضرتك بتقولى عليه غالى
الف شكر ياباشا على مرورك الكريم
تقبل تحياتى