[rasmy28]

بسم الله الرحمن الرحيم
اللهم صل على محمد وعلى آله وصحبه أجمعين

الحمد لله ربنا كرمنى برينو لوجان اوتماتيك بترولى
الحمد لله لحقتها فى اول دفعه على وش القفص
قبل لحظات من انى اخلص فى واحده مانويل
الحمد لله كنت اتقهرت الحمد لله

وانشاء الله هستلمها لما ورقها يخلص كمان ايام

دعواتكم ليها ربنا يوصلها بالسلامه ويبارك فيها

انا من قبل مالعربيه تيجى وشايل هم العلامه لان كلكم عرفين

ان الشعب المصرى هو الوحيد البتدع هواية جمع علامات السيارات

وخصوصا الوجان كان متوصى عليها من المنافسين او مطلوبه فى السوق مش فاهم

نادر ماقبلت واحده فيها علامتها

وانا لو علامتى اتقلبت هزعل اوى

ايه افكاركم واقترحاتكم علشان نحافظ عليها

انا بفكر ابدلها بعلامه مش اصليه ؟ ايه رايكم

طبعا لو عليه بفكر اكهربها ههههههههههههه


تانى حاجه انا دى اول عربيه زيروا والقبلها كانت بيجو 504 يعنى ولا كنت بفكر حتى امسحها هههههه

المهم عايز نصايحكم لحفاظ عليها وارائكم فى :

1- تشميع العربيه ؟وايه افضل نوع ؟

2- فرش ارضية العربيه جلد ؟والكراسى ؟

3-العروسه جايه مشاء الله عليها بالطرحه البيضه "لزق الابيض " اشيله ولا اخليه رايكم واقترحاتكم ؟

لو عندكم نصايح تانيه لاخوكم الوجانى الجديد وخصوصا نوع معطر كويس نوع منظف كويس اى نصايح انا محتاجها اكسسوارات مفيده اى حاجه حد عملها فى لوجان او غيرها يقر ويفدنى

انا ممكن ابعت اجيب حجات من بره لو عندكم اقترحات قولها لحفاظ علي لوجى حبيبى

وربنا يبارك لينا وليكم وان شاء الله لوجان بعد الاوتماتيك هتاخد حجمها الطبيعى فى السوق
وتكيد كل العزال باذن الله

تحياتى
محمد رسمي