[MohabSaeed]

المشاركة الأصلية كتبت بواسطة flashfox انت اللي مشكور علي مرورك و تعليقك الجميل بس الصراحة انا العربية دي كانت معايا انا واصحابي حوالي شهرين (مع العلم ان السيارة كانت من برة بتاعة والد صاحبنا بس هو بيسافر كتيير اوي)و سافرنا بيها مرسي مطروح الصراحة هي اتزان واداء علي الطريق جميل بس الصراحة الكراسي مش مريحة بعض الشئ يعني كنا بنضطر نبدل السواق كل ساعة!! ptmnlo123per113 تقريبا لان كنا بنتعب بسرعة عكس التيجو ولما رجعنا كان معاد صيانة ال 25000 كم ورحنا واتخنقنا لان المكان زحمة و لازم نحجز دور و نستني وقالولنا ان العدد الل جه قليل و ممكن ننتظر وقعدونا 7 ساعات نكلمهم ويهدونا لحد ما جت استراحة الغدا وطبعا صحابي مستحملوش ولا انا ولما جه الدور دفعونا فلوس كتيير بس بصراحة مرديتش ابص في الفاتورة عشان مموتش حد في اليوم دة بس احنا دفعنا 900 جم تغيير سيور وزيوت ptmnlo123per195

للاسف كلام حضرتك كلام مش مظبوط بالتأكيد .

اولا مافيش بيرسونا دخلت مصر غير عن طريق التوكيل ....(( وده لسبب بسيط جدا ان التوكيل بينزلها فى مصر بسعرها بره وده لانه بياخدها اساسا بسعر رخيص من بروتون ماليزيا )) ولو نزلت من برهو اتجمركت تمنها حيعدى ال100 الف جنيه .... يبقى ازاى حضرتك بتقول انها جايه من بره ؟

ثانيا انهى عربيه فى العالم الى تخليك تبدل سواقه كل ساعه علاشان كراسيها مش مريحه ؟ مع العلم ان كراسى البيرسونا جيده جدا " مش حقول ممتازه "

ثالثا البيرسونا و كل سيارات بروتون مش بتغير اى سير عند 25 الف كيلو .... اقرب معاد هو 60,000 كيلو او 3 سنوات .... و اساسا فى الكتالوج موصى بتغيرهم كل 100,000 كيلو او 5 سنوات !!!! يبقى ازاى عند 25 الف تغير سيور

رابعا بفرض ان فعلا تم تغير السيور .. تغيير السيور فى البيرسونا او الجين 2 مش ب 900 جنيه ....لان تمنهم بالمصنعيه مش اقل من 1500 جنيه " طقم السيور و مصنعيه فقط " .


اعذرنى فى كلامى ... بس كل المعلومات الى حضرتك كاتبها غير صحيحة .