[zing0]

مفيش بعد كلام أستاذنا المحترم مستر أسترا و مهندسنا الغالى أحمد على

الجوان ممكن ميكونش أصلى, أنا جبت جوانين قبل كده , فرق شاسع بينهم فى السمك و الخامة
واحد ركبته و أول ضبطة تاكيهات طلع متفرتك, التانى ما شاء الله إتفك و أتركب ييجى 3 مرات.
كل مرة تنضف الجوان بفوطة ناشفة و تنضف مكانة فى غطا المكنة بالبنزين و تملاً سيليكون حرارى حلو... (الميكانيكية بيبخل علشان يأخد باقى الأنبوبة), زود سيليكون و خاصة عند الدورانات و الزوايا و المسامير.
و إنت بتركب الوش هتربط المسامير اللى فى النص الأول (من غير متقرط) و بعدين الأطراف (أمام و خلف المكنة) و بعدين باقى المسامير و بعد كده تدور عليهم و متقرطش أوى, يادوب أول متلاقى السيليكون ظهر من الفاصل.
بعد متخلص, إمسح زيادات السيليكون من المكنة.


بس عاوز أقولك .... الزيت على قلاووظ البوجية ممكن يكون دخل من عند التاكيهات (أو الكستبانات) إلى فتحة الصبابات إلى جسم البوجية, المهم ميوصلش للسن. القلاووظ مش مشكلة.