[mr_astra]

المشاركة الأصلية كتبت بواسطة y_mmohd تحية طيبة الجميع في هذا المنتدى الرائع... اريد اقتناء سيارة عائلية جديدة مانيوال عملية. بهدف التنقل بها وليس للسباق او للمظهر الخارجي

انا جاوبتك وقلت لادا بناء على مواصفاتك فى العربية
الادا عربية محترمة فوق الوصف
موديلات ديثة الى الان
موتور قوى
العربية بعتبرها اقوى صاج فى اللى موجود
تعالى بقى لمميزتها السعرية وهنلخص كل الكلام عنها ان موتورها بالفتيس بـ 2000 جنية ======ما بتغير كاتينة ==== طقم الكهرباء بالكامل 60 جنية للنوع الجيد====== مشكلة البيض اللى ممكن احد الاعضاء يقول عليها الطقم كامل بـ 140 جنيةبيتغير كل سنة او على حسب الاستخدام==== طقم جلب كامل بولندى بـ 80 جنية ===مساعدين يابانى الجوز بـ 120 جنية ====
وقيس بقى على الاسعار دى كل حاجة فى العربية الى ان تصل ان العربية دى فيها حاجات بـ 3 جنية
ميزة كمان بقى الثبات الغير عادى للعربية وعلى السرعات العالية
العربية من جوة تقدر تقول اد الشاهين او الاكسل
الدركسيون بالمرة عشان عارف ان فى تعليقات علية صدقنى صدقنى زى اى عربية مفيش اختلاف وانا بتكلم فى الموديلات الحديثة مش القديمة
الاخ الكريم " ahmed el gendy " بيقول ان عربية زميلة بتسخن ......طب واحنا ملنا ما يروح يصلح عربيتة لان الادا مشكلتها انها مش بتسخن وتوصل لدرجة حرارة التشغيل الطبيعية ولدرجة ان فى ناس بتحط كرتونة ادام الردياتير عشان العربية تسخن شوية وما يحسسناش ان العربية اللى مع زميلة دى هى نسخة تجريبية ادوهالة عشان يحكمو على العربية من كل النواحى
فى الاخر لو انت معترض عليها يبقى ممكن يكون عشان شكلها