رد: اخيرا جبت 127 وعاوز رايكم
طقم كهربا ده كلام فاضى
عالعموم فى حاجات الأفضل لما تشترى عربية مستعملة لو البائع مش مديك تواريخ تغييرها , تغيرها على طول,أقصد الحاجات دى:
- تربط العفشة و ترشها سولار فى أى بنزينه
- تغير كل السيور (كاتينه كاوتش - دينامو - باور<مفيش عندك>...)
- تغير كل الفلاتر (هواء - بنزين - زيت مع غيار الزيت )
- طقم الكهربا (بوجيهات - أبلاتين - كوندنسر)
- تنضف الكربراتير (بمنظف اسبراى)
الحاجات دى اسمها طقم سيرفيس, و دى لما بتكون جديده و مضبوطه بتخلى العربية حاجه تانية
------------------
- لو الكاتينه لسه جديدة , أعرف اتغيرت على كام كيلومتر من صاحبها و متغيرهاش
- البوجيهات اللى فى السوق كلها تقريباً مضروب, حاول تتعب شوية و تجيب NGK أصلى من التوكيل (تقريباً اسمة التوفيق فى شارع النصر فى المعادى بعد ماركت المحمل) - و بنفس سعرة بره 42 جنية تقريباً
أبلاتين و كوندنسر دول هيعملوا حوالى 25 جنية (أشهر نوع اللى مكتوب عليه فرنساوى أبو علبه زرقاء و طبعاً و لا ليه أى علاقه بفرنسا بس ده اللى موجود و نادر متلاقى نوع غيره)
أعانك الله
__________________
|