سير الباور و الشداد - التوكيل
السلام عليكم
عربيتي صني 2010 (N16) عاملة 170 الف كم
في رمضان اللي فات، سير الباور اتقطع و انا في المعادي، جبت سير تانيو في ناس حاولت تساعدني في تركيبه بس معرفوش و بليه مسمار الشداج نعمت و باظت
جه ميكانيكي بعد شويه و اتصرف بس كان سن المسمار و البليه بتاعته باظو خلاص
كان لسه في صوت في السير لما الدركسيون يجيب الاخر يمين او شمال
المهم بالليل رحت للميكانيكي و بدل الشداد بحل مؤقت (مسمار طويل مقاس 12 مع صامولة)
و انا في التوكيل امبارح (اوتو ايجيبت) العربيه لما خرجت و بوري مهندس الاستقبال الشداد و الحل المعمول لقيت السير نصه مش علي البلية
قلتله هو ينفع كدا، دخل العربية تاني و خرجت لقيتها نفس الكلام، قاللي العربية كانت جايه بالوضع دا، و عشان الشداد مش شغال ممكن تعمل كدا
الميكانيكي بتاعي بيقول كلام تاني، و شايف ان البليه اللي بيجري عليها الشداد بترف و ان دا السبب
الميكانيكي عاوز يحل ماكينة الباور و يبص عليها و يمكن يغير البليه او ماكينة الباور مع الشداد (الماكنة استيراد)
سعر الشداد في التوكيل 900 جنيه تقريبا
هل حد من الاعضاء الافاضل قابل موقف زي دا؟
و تنصحوا بايه؟
و فين ممكن الاقي الشداد في السوق بدل التوكيل ؟
شكرا مقدما
|