الموضوع: جمارك السيارات لحد إمتى هنفضل ساكتين
عرض مشاركة واحدة
  #16  
قديم 25-01-2011, 01:26 PM
cars admire
Guest
  
المشاركات: n/a
افتراضي رد: لحد إمتى هنفضل ساكتين.

المشاركة الأصلية كتبت بواسطة dr_eslam_66 مشاهدة المشاركة

ممكن كل واحد فينا يكون بيسأل السؤال ده لنفسه في اليوم مليون مرة والمشكلة إنه صيغته غلط المفروض يكون (لحد إمتى هفضل ساكت) لأنك لما بتحط السؤال في صيغة الجمع بتبقى عامل زي الي بيعلق تكاسله على شماعة غيره بالظبط.
الأول نسيت أقولكوا السلام عليكم...
ثانيا أنا حبيت أتناقش مع الأعضاء الكرام والي هما بيمثلوا شريحة من المجتمع لا يستهان بيها في موقع زي مصر موتورز بالذات يمثل الشفافية واللا إنحيازية لجهة معينة موضوع مهم جدا وهو إيه الهدف من سياسات الجمارك بوجه عام ومين المستفيد من جمارك السيارات بوجه خاص هل الفائدة في الآخر تعود على المستهلك أم على أصحاب المصانع ولا على الحكومة والي المفروض بردو في الآخر نحس بيها كمواطنين في صورة خدمات وخلافه (ههههههههه)
ياجماعة القاعدة إننا إحنى كمواطنون إحنى أصحاب الدولة وعلشان نعرف ندير دولتنا صح إحنى عملنا نظام تنفيذي ونظام رقابي بالتعيين ونظام تشريعي بالإنتخاب يراقب النظام المختلفة للدولة ويشرع القوانين ودا اليد العليا طبعا في الدولة بعد الشعب.(واخدين بالنا طبعا من حكاية بعد الشعب دي)
دلوقتي هل إنتا كمواطن عادي تجد أي فوائد تعود عليك بصورة مباشرة من قوانين السوق المغلقة الي بتمارسه علينا الحكومة.
الأول كانت حجة تنمية وتطوير سوق صناعة السيارات, ولاكن للأسف إحنى عندنا صناعات تكميلية وليست صناعاة سيارات ودا بردو السبب فيه السياسات الخاطئة للسوق هشرح شوية وجهة نظري والي موافق يوقول آمين والي مش موافق يحاول يفهمنا.
دلوقتي لما أنا أكون دولة متأخرة تكنولوجيا في مجال الصناعات الثقيلة وأمنع إستيراد منتج من المنتجات الثقيلة دي أو أفرض عليه جمارك تفوق سعره بحجة إني بشجع الصناعة المحلية وفي نفس الوقت أتيح ولو بشروط أقل تعقيدا إستيراد المنتج في صورة قطع غيار يبقى إيه الي هيحصل,

رجل الصناعة الجاد الي نفسه يكسب بطريق شريف وفي نفس الوقت يفيد بلده وهوا دا الي أنا بتكلم عليه مش أي حد تاني هيحاول الآتي:
  1. هيحاول كخطوة مبدئية إنه يستفيد من العرض الترويجي الي الحكومة عاملاه ويعمل خط تجميع وياخد توكيل من ماركة عالمية ويبتدي يجمع فقط.
  2. نتيجة للخط الي تم إنشاؤه دا هيتم حواليه مجموعة من الصناعات المغذية( المتأخرة تكنولوجيا بردو) كرسي كنبة فيبر بلاستيك ويبقى كدة الراجل إستفاد وأفاد البلد ومواطنينها كتر ألف خيره.
  3. بس بعد فترة من الزمن هيحاول يرتقي بمستوى الصناعة بتاعته هيعمل إيه هل هيلاقي الكوادر العلمية وأموال للبحث العلمي الي تخليه يعمل مصنع سيارات ياعني يصنع ماتور وشاسيه وبودي سيارة, طبعا لأ ليه لأني الدولة ماكملتشي دورها ورمت كل حاجة على كتاف رجل الاعمال الطموح كان المفروض من ساعت فرض الجمارك العالية البدئ فورا في خطة لتطوير شركات السيارات الوطنية المملوكة للحكومة ودا ليه لأنها صناعة ثقيلة جدا جدا ولا يمكن أن يتحمل تكاليفها مستثمر أو حتى مجموعة من المستثمرين, طيب هتعمل إيه ياعني الحكومة ياعني هيا الحكومة ماما وبابا لا طبعا هما مش ماما ولا بابا دول موظفين عندنا إحنى كان المفروض نطالبهم إنهم يستغلوا المصنع الي أولردي موجود ويطوروا من الكوادر البشرية الموجودة ويتفقوا يصنعوا شاسيه وبودي كخطوة مبدئية لسيارة مستوردة ومنها هيبدأ التطوير بخطى ثابته واثقة من نفسها وليه مانعملشي سيارة نصر مثلا بماتور مستورد كحل مبدئي (بس والنبي تكون عربية عدلة شوية), ساعتها بس يكون فعلا الغلق الجمركي للحدود موجه لتنمية الصناعة الداخلية.
  4. طيب دا ماحصلشي هنعمل إيه دلوقتي .... أنا شايف إننا دلوقتي مش بنساعد غير الراجل الطيب صاحب خط التجميع والي هوا سيادته بردوا مش محتاج مساعده أصلا على حساب موظف مطحون طافح الكوتة وبيقصت عربية ترحمه من المايكروباصات وبهدلة المواصلات علشان يشتريها من الراجل الطيب دا أغلى من تمنها العالمي بحوالي 30 أو 40 ألف جنيه مصري والي هما بيبقوا تحت قيمة الجمارك لنفس السيارة لو هيستوردها من برة, إييييييييه دا دا كدة يبقى إحنى وصلنا لنقطة مهمة جدا الراجل الطيب او الي كنا فاكرينه طيب صاحب خط التجميع الي الحكومة نافخانا إحنى وبتساعده رابط سعر العربية المحلية الي مجمعة عنده في المصنع بالسعر العالمي مضافا عليه سعر الجمارك ومطروح منهم كام ألف جنيه علشان يعرف ينافس العربيات المستوردة (الخليجي مثلا).
ليييييييييييييييييييييييه لييييييييييييييييييه لييييييييييييييييييه
ليــــــــــــــــه أدعم الغاز الي بصدره ليــــــــــــــــه أدعم الأراضي الي ببيعها للمستثمرين بغرض الإستثمار العقاري..... وليه وليه وليه؟؟؟؟؟
لحد إمتى هنفضل ندعم المستثمر ونقول إننا بندعم محدود الدخل؟
لحد إمتى هنفضل عاملين نفسنا مش شايفين الي إحنى فيه؟
ليه أنا كمان دلوقتي غلطت نفس غلطة الملايين وبسأل نفسي بصيغة الجمع؟
موافق آمين

:G ROWIN~12:
رد مع اقتباس