والله الحكاية دى نسبية يا جماعة .. فعلا فيه ستات كتير بيخافو و يوقفوا الطريق و تمشيك وراها تاتا تاتا لحد ما تطلع من هدومك و اقربها امبارح كنت فى بنزينة و قدامى عربية رينج روفر سبورت فيها 3 بنات و حطو بنزين و خلصوا و طلعوا سنة على مخرج البنزينة و وقفوا يهزروا و معطلينى و معطلين العربيات وراهم و لما اديتلهم كلكس شغلوا الانتظار ولاد ال... جيت من جنبهم و وطلعت و وقفت قدامهم بالعرض و الجدع يعدى بقى ... و بعدين قلت هما اغبياء .. ابقى انا اغبى منهم ؟؟؟ و اتوكلت على الله و مشيت
بس للأمانة فيه ستات صواريخ سواقة فاكر انا واحدة كانت راكبة مرسيدس CL500 و اخدة الطريق يمين شمال فوق تحت و حاولت اجيبها ماعرفتش ... ههههه
و كان فيه كذا واحدة زميلاتى فى الشغل فى مصر برده ما شاء الله عليهم صواريخ سواقة
فيه نقطة بقى جديرة بالذكر علشان ندى كل ذى حق حقه
انا لسة مراتى مطلع لها الرخصة جديد و مع انها مدربة كويس جدا و بتاخد العربية حوالين البيت و فى المنطقة و بتسوق كويس .. جيت مرة خليتها تسوق فى طريق سريع ... انا كنت كل شوية اقولها هدى ماتجريش ماتزوديش عن 80 ... مع انى انا العادى بتاعى بيكون 180 ... و على ما وصلنا البيت كانت ركبى بتخبط فى بعضها ..... ههههههههههههههههههه
متهيألى فيه ستات عندها استعداد كويس جدا بس محتاجين ياخدوا ثقة أكتر عشان قلبهم يجمد و بصراحة لما بلاقى واحدة ست بعد كدة معطلة الطريق باصبر عادى ولا كلاكسات ولا ترعيش بقول لو مراتى او اختى فى نفس الموقف مش عاوز حد يضايقها ولا يلخبطها ... بس لو حسيت انى اتعليت بقى باطلع من جنبها و خلاص
و ربنا يكون فى عوننا جميعا رجالة و ستات من كل اللى مبيعرفوش يسوقوا رجالة و ستات بردو ..
