المشاركة الأصلية كتبت بواسطة أحمد محمود عبد الرازق
لما تيجى تشترى عربيه من مصر
1- لا تختار على أساس الشكل بل على أساس الإعتماديه فى التشغيل و إعلم أن السياره الإقتصاديه فى إستهلاك الواقود مؤشر لا يكذب على رقى هذه السياره فى صناعتها .
2- قبل أى كلام تسأل هل فى قطع غيار فى السوق برا التوكيل ؟ لو الإجابه لا , إذا إبعد عنها
3- إعمل حسابك إنك واقف لوحدك محدش حيساعدك فى أى حاجه لو إختيارك طلع غلط ( إنسى فى قانون و حماية المستهلك و العبط ده , محدش حيعرفك ساعتها لذلك دقق جدا فى الإختيار .
4- لا تشترى سياره لسه جديده فى السوق أبدا بل إنتظر 3 سنوات حتى تظهر كل عيوبها .
5- هذا الكلام للمستهلك محدود القدره الشرائيه فقط ( القرش يوجعه ) أما إللى ربنا موسعها عليه فلا يلتفت لهذه الطريقه فى الشراء , إشترى براحتك يا باشا .
|
شكرا جزيلا على النصائح الغالية وجزاكم الله كل الخير ....
بصراحة انا كنت قررت اشتري جيلي باندينو عشان امكانياتي بس بعد الكلام ده مش هالتفت للصيني ده خالص مستحيل اجيب حاجة بالشكل ده لانه ببساطة فكرني بالموبايلات الصيني اي حاجة بسيطة تحصلها الموبايل خلاص يترمي في الزبالة ......
بس المشكلة دلوقتي لو هاجيب عربية جديدة (مع العلم انها ستكون اول عربية لي) تنصحني حضرتك بإيه ... يعني حاجة كويسة في حدود 40 الف حسب امكانياتي يكون استهلاكها في البنزين معقول وتستحمل المشاوير والزحمة ويكون ليها قطع غيار في كل حته .
في ناس رشحولي الماروتي بس ماقتنعتش اوي حسيت سعرها مبالغ فيه بالنسبة لامكانياتها في مانيوال ومفيهاش اي مميزات او كماليات حاجة كده انتيكه من الستينيات ولا السبعينيات .
