[AbOnOrA]

الراجلً ده مبدع وبجد ومش مجاملة لانه فى كل موضوع بضيف معلومة وبيطرح فكرة بيقول فيها رأية بتواضع وبيسبك تفكر برضو

يمكن علشان كده بحس ان موضوعاتك قصيرة

انا فكرت معاك برضو فى ان سوزوكى ليه بقت مهمشة فى السوق كده برغم تاريخها الحافل بالانفرادات والسيطرة على قطاعات بعينها بلا منافس

ووصلت لان فيه فرع شاسع بين تاريخ وحاضر سوزوكى فعلاً
سوزوكى برغم سيطرة الاقتصاد الامركيى وفلسفتة الصناعية عليها حافظت لوقت طويل على روحها الخاصة والاصيلة فى الفكر اليابانى
فعالية واقتصادية حجم صغير وتادية عالية
سوزوكى نجمة ال 13 لانى من عشاق الرقم ده فى المحركات
1300 سى سى عملو منها انجح واشهر عربية نقل تجارية مازالت تؤدى بكفائة حتى الان


سوزوكى بالعربية ديه قدمت سيارة تجارية تعمل بالبنزين وباصغر ما يكون واكثر ما تحتمل
تماماً كالنملة
والسر فى تطبيق تصميم الكابينة الامامية او ما يطلق عليه السائقون اليوم الكابينة الاتش
بما يسمح باقصى سعة للتحميل وبغض النظر عن سلبيات التصميم ده الا ان العربية ناجحة ومازلت لا يتنافسها اى سيارة تجارية فى عمليتها واقتصاديتها
وعلى نفس المنوال السيارة المينى فان

سوزوكى سويفت
واحدة من انجح واشهر سيارات المدينة بمحرك 1300 سى سى واعتمادية ممتازة واقتصادية لا تنافس مع نعومة واداء متوازن فوق البيعة

سوزوكى جيمنى
اول واشهر كروس اوفر اقتصادية ومنها جائت الفيتاراُ والاس اكس فور لتؤكد على ضرورة انشاء تصنيف جديد يعكس مفهوم السيارة الكروس اوفر الصغيرة والانيقة والاقتصادية فى نفس الوقت بما ينافس سيارات المدينة الاخرى تماماً

سوزوكى ماروتى
اللى بسميها سيارة الشعوب فعلاً
بحجم اقل 1000 سى سى قدمت عربية تسع فعلاً لخمس اشخاص وسريعة (نسبياً طبعاً) وممتعة فى القيادة والمناورة وعملية فى المساحات (نسبياً اكيد برضو) واقتصاديات التشغيل لاقصى الحدود

هى دى سوزوكى وصلت للعالمية باصالة وفلسفة يابانية تحترم الكفائة وتبدع فى استغلال اقل القدرات والمساحات

اما سوزوكى الان اللى عايزة تعمل سيارات فاخرة زى الكيزاشى وكروس اوفر شيك خالص والتو مستنسخة شكلاً وموضوعاً من النمازج الكورية فبصراحة مبقالهاش طعم ولا هوية ومش هيبقالها للاسف