رد: مميزات وعيوب السيارات الفيات 128 و127 والريتمو والريجاتا
تحياتى لك يا أستاذ طارق. لكن اسمحلى أعترض على وصفك لل128 باعتبارى مالك سابق لهذه السيارة.
باعتبارى مالك سابق لهذه السيارة فهى ليست بهذا السوء.
ال128 أنتجت فى البداية سنة 1969 و كانت تمثل ذروة التكنولوجيا لوقتها, و بالتالى تصميمها ليس بسيطا أبدا, بل على العكس ان تصميم ال128 الذى كان ثوريا فى وقته, أصبح يمثل بعد ذلك الخطوط العريضة لأى سيارة صغيرة حتى الأن. ال128 سيارة بمحرك موضوع بطريقة عرضية و محاور غير متوازية و ذات شاسيه علب بوزن خفيف ( وزنها لا يتعدى ال800 كلغ), و محرك SOHC , و بالتالى كان ادائها جيد جدا فى هذا الوقت (و للحق لازالت ال128 لحد دلوقتى ممكن تجرى بيها مع السيارات الحديثة لو حالتها كويسة), و لو تذكر كانت اول سيارة تصل الى 160 كم/ساعة على الطريق فى مصر,
طبعا لكمية التقنيات الثورية اللى اتحطت فى ال128 فى وقت واحد, و هى تقنيات ليست مجربة جيدا فى وقتها طبيعى انو يحصل مشاكل تتعلق بالاعتمادية و هى المشاكل التى تم تجاوزها و اصلاحها فى ال127 بعد ذلك.
و اللى ناس كتير متعرفوش, انو الجولف لما ابتدت كان تفكير فولكس هو انتاج سيارة على شاكلة ال128, و من بعدها أصبحت كل سيارة صغيرة (بل معظم السيارات الصغيرة و العائلية الصغيرة) تحمل فى طياتها الخطوط العريضة لتصميم ال128).
|