المشاركة الأصلية كتبت بواسطة stonecoldmido5
انا كنت بتكلم عن اللانسر الكاملة ( ستيب ترونك و اوتوماتيك) و هي بحوالي 135 الف وحضرتك تعرف ان الاوتوماتيك ناس كتير بتهتم بيه قبل اي حاجة تانية , بالاضافة الي وحدة الرفع مع وجود لوحة تحكم للسائق في الزجاج و الابواب مع وجود اماكن للتخزين و وجود مفاتيح رفع الزجاج في اماكن غريبة و لو حضرتك جربت المفتاح بدون الريموت السنتر مش هيشتغل ( واللة لسه مجربها امبارح ), مع عدم امكانية غلق زجاج العربية بعد اطفاء الموتور ( يعني مبيسبش 3 دقائق الكهرباء تبقي موجودة وبعد كده بتفصل كهربا لواحدها), الاشارة في التابلوة متعرفش اتجاهها يمين ولا شمال كل دي حاجات بسيطة ( من وجهة نظرنا باعتبار حضرتك حجزت العربية خلاص ويجعلها يا رب وش الخير ع حضرتك ) ممكن تخلي اي حد يغير رايه و يبعد عن الداستر بس طبعا فيها كماليات اساسية ( زي اللي حضرتك ذكرتها) بس مش كماليات رفاهية يعني ميتحسش بيها جوه الصالون , علشان كده انا بقول كماليات قليلة امام اداء وقوة مطلوبة بالنسبة لعشاق الداستر .  |
مظبوط يا كبير - هو اللى زعلنى بصراحة كلمة اشتغالة - و دى بتعنى نصب و النصب يعنى انى اقول مواصفات كاذبة و فى الاخر تستلم حاجة مختلفة - و دة محصلش مع الداستر - كل العيوب سيادتك شرحتهالى من اكتر من 4 شهور لما كنا بنفاضل بينها و بين القشقاى - طبعا القشقاى تكسب رفاهية بس الداستر تكسب اداء مستريح و فرق سعر اكتر من 30 الف جنية - ساعتها واللة قررت باقتناع انى اشترى الداستر - يعنى العربية مش اشتغالة.