[هشام فوزي]

السلام عليكم .. انا امبارح استلمت عربيتي الجديدة رينو لوجان 2013 مانيوال كاملة فضي ... ايرباج و abs و4زجاج كهربا ز2 مراية كهربا وعندي شوية ملاحظات :

1- انا اخر عربية كانت عندي هيونداي اكسل 98 اوتوماتيك وكنت جايبها زيرو ساعتها بصراحة اول ماركبت اللوجان حسيت اني راكب ميكروباص ههههههههههههههه العربية عالية اوي ماشاء الله والتابلوه كمان عالي

2- رحت مكان فيه مطب كنت كل ما باخده بحس العربية بتتعذب وبتتهبد ... ولا حسيت بيه في اللوجان خاااااالص

3- صوت ومكان الكلاكس مش طبيعين .. اكيد اللي عملهم ياخد جايزن نوبل للغباء

4- الكمبيوتر محتاج قاعدة مع النفس شوية وتاخد عليه هو سهل بس لازم تكتشفه اول مرة

5- الكاسيت مش محتاج اضافات صوته حلو ونقي

6- العربية للامانة الشديدة واسعة جدا اوسع من الاكسيل بمراحل

7- الشنطة كتير قالوا عليها واسعة اوي وانا قلت ايه ده دول اكيد كان عندهم 127 فاي شنطة عربية سيدان بالنسبلهم تبقى كبيرة انما انا متعود على الشنط الكبيرة انما اللوجان اكبر منهم كلهم

8- العفشة لحد دلوقتي ناعمة جدا وماتحسش بحاجة على الارض

9- تنك البنزين بيفتح من برا بس ودي ماكانتش في الاكسل

في المجمل انطباعي الاولي عن العربية جميلة ومريحة وعالية لسه حسافر بيها القاهرة ان شاء الله علشان اشوف امكانياتها اكتر