[sam ram]

اخ خالد ...
كنت عايز اسألك كام سؤال ...
ازاي ابتدا التفحيط في السعوديه ... وليه انتشر بالدرجه دي ...
هل التفحيط موجود في السعوديه بس ... و لا موجود في دول الخليج عموما ..

انا شايف من الفيديو ان ساعات كتير بيتم التفحيط في طرق عاديه وبالنهار .. ايه هي عقوبه التفحيط في الطريق العام ...
وفي لقطات فيديو تانيه بتبقى الناس واقفه تتفرج .. زي مهرجان او مسابقه ... هل بيكون ده قانوني ... يعني فيه مسابقات للتفحيط ... او طرق معينه مشهوره ان الناس تتجمع فيها تتفرج على التفحيط ... و هل ده بيكون بعلم الشرطه ... وبتنظيم مسبق ...

واضح ان في ناس متمرسه و مهارتها عاليه جدا ... لكن برضو في تهور شديد جدا ...
ايه الانطباع العام للشعب السعودي عن التفحيط .. يعني هل شايفين انه دليل المهاره و الشجاعه والجراءه ..
و لا شايفينه مجرد تهور ... و هل رأي الشباب زي الكبار في السن...

هل المملكه بتساعد على تقنين الرياضه ... يعني تحديد اماكن لممارستها و جعل التفحيط رياضه ليها مسابقات زي الاوتو كروس عندنا مثلا ... و لا هي ممنوعه تماما ...

ازاي الشباب بيتعلم التفحيط ... يعني بيعلمو بعض ... و لا كل واحد بيجرب ... وهل الناس اللي مهارتها عاليه جدا في التفحيط عمرهم ما غلطو ...
يعني الواحد علشان يتعلم السواقه العاديه يفضل يلخبط لحد ما يتمكن منها ... ازاي واحد يتعلم التفحيط بالشكل ده من غير ما يعمل كوارث ؟؟

معلش اسئلتي كتير ... لكن فعلا الموضوع اثار فضولي بشده

وشكرا ليك على الموضوع واهتمامك بالرد ...
و عايزين نشوف موضوعات تانيه كتيره ليك .... ونشوف تفاعلك و مشاركاتك في كل الموضوعات ...

ربنا يحفظك ... و يحفظ كل شباب العرب ...