[M-Fire Dj]

المشاركة الأصلية كتبت بواسطة ashour100 السلام عليكم الاخ الفاضل بارك الله لك اولا: بخصوص الورق المطلوب 1- الفاتورة، وديه قمت بتوثيقها من الغرفة التجارية ثم من الخارجية السعودية، وباقي التوثيق من السفارة المصرية، ونفسي تميل الى تجاهله لانه مكلف في حدود 250 ريال وممكن ميطلبوش منك كما هو الحالمعاك. 2- لم اقم بتسحيل العربية في السفارة، ولكن عامل برنت من المرور باني اول مالك، وكمان واخد شهادة منشأ من الزاهد اني المالك الاول وموثق الورق ده من الخارجية السعودية. 3- في الغالب انا هعمل تصدير والمعلومات اللي عندي اني بروح المرور ادفع رسوم التصدير موش عارف في حدود 100 ريال تقريباً واستلم نمر التصدير واسلم نمر السيارة. فهل في ورق معين تاني بستلمه من المرور وهو ده الورق اللي رجعك تعمله من حقل؟ ثانيا: بخصوص الجمرك انا شايف ان 50000 ج مبلغ كبير هو انت كنت في بتجمرك السيارة في انه جمرك؟ طيب ومفيش مندوبي تخليص يخلصوا العملية على سعر أقل مع عمولة؟ سؤال اخير وانت بتجمرك كانوا طبقوا الخصم بتاع ال 10 % علشان السيارات الاوربي ؟ ولك خالص الشكر

كده حضرتك عملت كل الاجراءات اللازمة والبرنت من المرور فعلا بيغنيك عن توثيق العربية في السفارة
وموضوع الورقه اللي رجعت عشانها من الحدود دي كانت فعلا بخصوص التصدير انت بتسلم النمر وتاخد نمر تصدير وورق بالكلام ده بس لازم المرور يبعت الورق ده فاكس للحدود اللي حضرتك بتغادر المملكة منها وهو ده اللي رجعني انه الفاكس موصلش لكن بعتوا من مرور حقل لمرور القصيم والموضوع خلص على طول يعني هو كان تقصير منهم مش نقص في ورقي انا

بالنسبه للمبلغ زي ما قلت لحضرتك هو 62% من تمن العربية في المصنع
انا كنت بجمرك في نويبع ودي مش هتفرق خالص من مكان لكمان تاني هوا هوا نفس القانون الاجراءات واحدة

اما بالنسبة لوجود مندوب يخلص الموضوع اقل من كده فا دا ممكن ش شغل مش سليم السليم انك بتنزل بنفسك الجمرك وبيجي معاك مندوب الجمرك وبيفحص العربية بيشوفها بتخضع لاي فئه متسجله عندهم وبيحسب الفلوس وبعد الدفع بيخلص ورق الاعفاء الجمركي اللازم

الخصم 10% ده لاني جمركت العربية بعد سنه استعمال وكل سنه بعد السنه الاولى ب 5% خصم لكن اول سنه بس هيا 10% ملهاش علاقة ان العربية اوربي او غيره

ياريت اكون قدرت افيد حضرتك