[MOUSTAFA_SAAD]

كيف اتعامل مع شركة مصر للتامين
السلام عليكم
العربيه بتاعتى متامن عليها تبع شركة مصر للتامين
دلؤتى العربيه فيها خبطه صغيره فى الرفرف ممكن تترد على البارد والاكصدام الامامى واحد راكب موتوسيكل وشايل سلم ومعدى من جنبى والعربيه واقفه مكانها وراح ناتش الاكصدام من الجنب وفكه من الجنب وخربشه ونزل ركبوه تانى بمسمار بتاعه بس مش راكب طبعا زى الاول وفية شوية خرابيش من الجنب والخبطتين دول حصلوا والعربيه واقفه مركونه والخبطه الاولى حصلت حتى وانا مش موجود فيها ومعرفشى مين اللى خبطها كمان

امبارح موتوسيكل دخل فى الفانوس الورانى وشرخ الباغه بتاعته والحمد لله ومش عارف العربيه دية حكايتها ايه معايا عماله تتخبط وهيه مركونه او مش من خطئى اظاهر انها خدت عين

المهم ازاى اتعامل مع شركة التامين فى الحاجات دية
يعنى المفروض ان كل خبطه اجرى اعملها حتى لو بسيطه ولا اجمع الخبطات مع بعض واعملهم مره واحده احسن ولا الشركة والتعويض يختص بالحوادث الضخمه فقط لاقدر الله يكفينا ويكفيكم الشر
ومعقول ان كل خبطه صغيره اعمل بيها محضر علشان يعاينو ولا ايه الحكايه
ولو صرفت حاجه ازاى اجيبلهم المستندات الداله على الصرف لو مش حاصلح فى التوكيل مثلا لان الورش مش حتدينى عمرها فاتوره
وهل توجد ورش تبع شركة مصر لتامين تقوم بالقيام بهذه الاصلاحات لحساب الشركه ولا ايه وياريت لو فيه تدلونى على عناوينهم فى الاسكندريه او طنطا لانى ساكن فى النص بينهم
انا معنديش اى فكره عن موضوع التامين ده لانى عمرى ماتعاملت معاهم