السلام عليكم و رحمة الله و بركاته
أنا عضوة جديدة من حيث تسجيلي في الموقع
بس متابعة جدية للموضوعات من فترة طويلة
و من خلال متابعتي للحوارات و المناقشات هنا
استفدت كتير من اغلب الأخوة اللي بيكون هدفها مصلحة القاريء
و توصيل معلومة كاملة و مفيدة لحل مشكلته
أو المشاركة في نقاشه في موضوع ما
و اختارت يكون موضوعي الأول هنا
من مقال حديث من ملحق سيارات جريدة الأخبار
الصادر بتاريخ 12/9/2009 للصحفي الأستاذ : خالد أباظة
عنوان المقال هو نفسه عنوان موضوعي
و بيتعرض لمشكلة الصراعات داخل توكيل تويوتا
خاصة فرع العباسية اللي بيعاني مشاكل
في طاقمه الإداري و محاولات تصفية قياداته
الجزء اللي لفت نظري في المقال هو محاولة الأستاذ خالد
إنه يثبت إنه له عيون داخل الشركة
و ده كان واضح في الجزء اللي قال فيه :
هذا مجرد سرد لكافة الشائعات
التي تسربت الينا من اطراف عديدة داخل و خارج الشركة
و نحن ننشر ذلك دون غن نتسبب في حرائق للشركة
و قد ننشر أوراقا اذا ما اقتضت الضرورة لذلك و المهم مصلحة الشركة
و خروج شاهين منها بأفضل شكل ووضع ممكن
|
!!!!!!!!!!!!!!!!!!!!!!!!! !!!!!!!
طيب ليه حضرتك تقول إن ليك عيون في الشركة ؟؟
ما هو ده بيضر الناس اللي سربت الاخبار دي للجريدة
و جملة معانا (مستندات) بتدي انطباع بمحاولة الضغط على ناس معينة
في حاجة تانية اهتم إنه يكتبها في الصفحة الاولى من المقال :
إن في قلة من الصحفين يبيعون ضمائرهم من اجل ربع صفحة اعلانات
|
و الغريب إنه الملحق أساسا قائم على فلوس الإعلانات
و بعدين الناس اللي بيشتغلوا في الإعلانات مش بالضرورة يكونوا صحفيين
هما موظفين في الاول و في الآخر و إنهم يجيبوا
اعلانات فده شغلهم اللي بياخدوا مرتبات عليه
الشيء الغريب و اللي بيدعوا للأسف فعلا
وصفه لمندوبي الإعلانات بإنهم بيتسكعوا بين المكاتب
و بيتوسلوا لمديري التسويق علشان ياخدوا اعلان !!!!
|
طيب ما حضرتك مشرف عام ملحق السيارات
ممكن تطلب من رئيس التحرير يلغي الإعلانات
و تكتفي بمقالاتك انت و زملائك الصحفيين ؟؟؟
و في نهاية الجزء الخاص بالصحفيين
اللي بيجيبوا اعلانات تخدم موضوعاتهم
و ان القارئ بيحتقر المنافقين و الشحاتين و الفشلة !!!!!
|
هو اللي بيعمل دوره في وكال اخبارية بقى شحات ؟؟
عموما انا بتمنى إني الاقي ردود تناقشني
و مكن أكون غلطانة في زجهة نظري
بس يكفيني اهتمامكم بالموضوع و مناقشته