المشاركة الأصلية كتبت بواسطة POP EL GAMED
احب يا باشا اسألك اهم سؤال
انت ايه اللى ععجبك فى الفيرنا مع انها عربيه عاديه جدا بأمكانيات موتور اعلى من جسمها وجسم خفيف جدا وبيتأثر بأى حاجه؟؟؟
|
لا أنا مش معجب بيها و لا حاجة ptmnlo123per111
بس هيا ارخص عربية معقولة تمشي الحال في السوق ،،
أنا شاريها Price Wise
و يمكن عشان كده مقتنع بيها شوية لأني عارف اني شاريها عشان السعر كعامل اول مش بعمل نفسي اني كنت رايح اجيب بي ام و في اخر لحظة الناس ضحكت عليا و قالتلي هات فيرنا ما هي برده 1600 سي سي
و علي فكرة هيا مش بامكانيات موتور اعلي من جسمها و لا حاجة
الفيرنا كانت بتنزل في امريكا بموتور 2000 سي سي !!!!!!!!!!!!
الفكرة ان الناس مش قادرة تفهم ان قوة الموتور دي معمولة عشان تديك سعادة في سواقه العربية داخل المدينة مش عشان تقفل بيها العداد ومع ذلك ان في اعتقادي ان الفيرنا مفهاش مشكلة ثبات مقارنة بالاسيوي ،،
يعني الياريس ، الكورولا ، اللانسر ، السيتي ،،،،، كل دول بيتقال عليهم خفاف
يبقي حلو اوي ان الفيرنا يتقال عليها خفيفة و يعني بالمقارنة باللانوس و الافيو تعتبر ثابته جدا
يعني اللانوس و الافيو مبيجروش و مش ثابتين كمان ،،،
معني متعة القيادة ان تكون رشيق اول واحد يطلع في الاشارة ، ترمي بوزك و تاخد ركنه ،، تحس ان العربية تحت رجلك فعاله و بتتنبض بالنشاط و ده باين اوي في ارقامها الهورس باور و العزم علي ار بي ام قليل جدا و متناسب مع تعليقات الناس عليها
لكن طبعا هيا عربية عادية جدا جدا جدا ،،، و عربية اقتصادية رخيصة في المقام الاول و الاخير
تعرف رسالة اعلان الفيرنا في امريكا كان ايه ؟؟؟؟
تقدر تشتري ايه بعشرتلاف دولار ؟؟؟
يعني الرسالة بوضوح احنا عاملين العربية دي عشان تكون رخيصة و اقتصادية
و مع ذلك ريفيوهاتها و تقارير الجودة عليها زي الفل و ثلاث سنين علي التوالي تكون من ضمن افضل ثلاث سيارات اعتمادية في امريكا و اعتقد و الله اعلم انها ثبتت اعتمادية في مصر لو سافرت بورسعيد و اسماعيلية التاكسي الاساسي هناك فيرنا
عيبها الاساسي و الرئيسي عيوب التجميع المحلي في اول عشرتلاف كم ، و عشان كده اللي بيسألني مبنصحهوش بيها لان الحاجات دي سخيفة و بتعكنن علي الواحد و انا كنت عارف العيب ده قبل ماشتريها و مهندسين في غبور هما اللي قالولي ( بيكون فيها شوية عيوب بتضبط في الضمان ) و كنت فاكره حاجة بسيطة بس اكتشفت انه حاجة بتضايق اوي
و بالنسبة ليا العيب الكبيررررررررررر انها بقت اكتر من الجراد في الشارع و هتتعمل تاكسي
و دي غلطة مش هاكررهها تاني ان شاء الله مش هاجيب عربية تكون مفهاش اي تميز و مرطرة للدرجة دي ،،
احساس زفت
و دايما بنصح اللي بيسألني لو ما بينها و ما بين سيارات سعرها تبقي هيا الأفضل و تحط في اعتبارك نقطة مشكل التجميع لانها بتتميز بمتعة القيادة و رخص قطع الغيار و انها احدث
و حاليا الفيرنا اكثر موديل سيارة مبيعا في تاريخ مصر اكثر من اللانوس و ال 128 ptmnlo123per154ptmnlo123p er154
دي حاجة تطمن ابناء الطبقة الكادحة
لكن الصح و اللي لو عاد بيا الزمن كنت عملته ازود حاجة بسيطة و اجيب جيتز او بونتو كلاسيك و اتحمل غلو قطع الغيار و صعوبة اعادة البيع
او ازود و اجيب عربيات الفئة الاعلي مش عشان وحشه عشان تهرب من احتمال مشاكل التجميع المحلي مش اكتر