رد: هل لازم أغير 4 فردة كاوتش مع بعض ؟؟
السلام عليكم
زى ما ذكر الاستاذ محمد فيصل .... الافضل ان حضرتك تغيرى الاربع عجلات مع بعض ..
لو الموضوع مش متاح ماديا .. ممكن حضرتك تغيرى الاثنين الاماميين ... و بعد فترة مش طويلة ممكن تغيرى الاثنين الاخرين
مش ضرورى حضرتك تغيرى بنفس النوع ... بس لازم نفس المقاس .... لو حضرتك حبيتى تغيرى عرض العجل ... ممكن بس ده عاوز شوية اعتبارات .... و حضرتك مش حتحتاجيه
السوق بيتغير كل فترة .... يعنى ممكن يكون الهانكوك الموجود فى السوق الان جيدة ... او غير جيدة ... يفيد حضرتك فى الموضوع ده حد لسة شارى كاوتش جديد
فى اكتوبر اكتر من محل بيبيع كاوتش ... فيه واحد اسمه ابو عمار ( على ما اذكر ) جنب اسواق رنا ( ابو زكرى )... على المحور المركزى .. بعد التوحيد و النور ... على ما اتذكر .. كانت اسعاره كويسة
و لا تقلقى .... البياع بيرصص العجلة الجديدة لوحده قبل ما بيركبها ....
الترصيص ... يعنى ... بيضيف قطعة رصاص فى مكان معين فى العجلة علشان يظبط النقص فى الجزء ده من العجلة ... علشان البالانس
وضع النيتروجين داخل الكاوتش بدل الهواء العادى .... له فوائد كثير .... انا لم الاحظ منها غير ان النيتروجين لا يتسرب بسرعة من الكاوتش .... ده غير انه خامل ... و يقال انه افضل فى المطبات و حاجات تانية كتير
__________________
|