وانا اللى اتشرف بمقابله حضرتك وانا اسمى ( معاذ ) ولو ممكن اتشرف باسمك يبقا ليا عظيم الشرف
|
أنا اللي ليا الشرف و بمناسبة الإسم ، أنا إسمي محمد جاد ، مهندس كمبيوتر
مفيش عربية صيني تحقق مبدأ value for money
لان ببساطة الصينيين فهلوية
|
مع احترامي الكامل لرأي حضرتك، بس بالنسبالي العربية ديه فعلاً Best Value For Money
|
غالبا ً دة فيشة الشبورة خاصة لو العربية بدون شبورة و بينزل منها بشبورة لان الضفيرة بتيقى كاملة
|
بيتهيئلي حضرتك عندك حق إلى حد كبير خصوصاً انها فعلاً نزلة من غير شبورة على ما أعتقد
لف الف الف الف مبروك
ربنا يكفيك شر الطريق
ليه سؤال لوسمحت دفعت مقدم كام وقسط كام على كام سنه
ربنا يسد ما عليك
|
الله يبارك في حضرتك ، و بالنسبة للتقسيط أنا جايبها تبع البنك الوطني للتنمية و سبب إتجاهي للبنك ده إنه بيجيب العربية بنظام المرابحة الإسلامية و فيه ناس هتقولك دة مش إسلامي 100% و الكلام ده بس أنا استخرت ربنا و توكلت على الله
نظام التقسيط :
1-حضرتك ممكن تدفع مقدم 20% و الباقي بمرابحة سنوية 9% بيتهيئلي لحد 6 سنوات بس لازم تجيب مفردات مرتب و إن إجمالي الاقساط اللي عليك سواء للعربية الجديدة أو أي قروض تانية من أي بنك يكون الإجمالي ميعديش 35% من صافي مرتب حضرتك
2-ممكن تدفع مقدم 40% فما فوق بمرابحة سنوية 9.5% يثيئلي لحد 6 سنوات و مش لازم تجيب مفردات مرتب ولا موضوع إن إجمالي الاقساط ميعديش 35% و الكلام ده ، عشان مش بيستعلم عنك في البنك المركزي هو بس بيشوف لو كان عندك اقساط تانية إنت منتظم في السدد ولا لأ ، و دة النظم اللي أنا جبت به العربية
الف مبروك
وعقبال صيانة ال200000 كم
ربنا يعطيك خيرها ويبعد عنك شرها
في انتظار تقريرك بعد الاستلام النهائي
|
الله يبارك في حضرتك و إن شاء الله أول لما استلم حاعمل تقرير مفصل عنها