رد: عاوز اشترى سيينا ومش عارف عنها اى حاجة افيدونى
السيينا عربيه كويسه ... كانت معايا ال 1400 موديل 2000 من الزيرو و فضلت معايا لحد 120 الف
موتور كويس ومتجاوب سواقتها ناعمه جدا و سحب كويس و استهلاك بنزين معقول
شنطتها كبيره جدا 500 لتر اكبر من شنطه اي عربيه في فئتها ( اكسنت - لانوس - ) لكن على حساب الكنبه ... القعده ورا مش مريحه اوي ولو الكراسي رجعت لورا كتير اي حد حيقعد على الكنبه ركبته حتكون في ضهر اللي سايق
الاساسيات كويسه لكن التقفيل المصري طبعا مش اد كده ...
قطع الغيار موجوده لكن الاسعار حاليا معرفش ايه ظروفها واعتقد انها حتكون اغلا من الاكسنت و الانوس ... لأن الاسعار في وقتها اكيد غير دلوقتي ... يفضل حضرتك تسأل عليها عند الكيلاني مثلا
تقييمي للعربيه بصراحه انا شايفها كويسه و بالرغم اني بفضلها كعربيه عن الاكسنت و الانوس ...
لكن في عمليه الصيانه و قطع الغيار و اعاده البيع اعتقد انهم يتفوقو عليها حاليا
واي استفسارات انا تحت امرك
اه .... ال 1600 الميكانيكيه مش بيحبوها لأنها معقده عن ال 1400 و كمان الكبوت صغير و العربيه مكبوسه اوي قدام فبتعاكسهم في الشغل
__________________
من تواضع لله رفعه The ultimate car would be designed by Italians engineered by Germans built by Japanese &
|