رد: هستلم بكرة عربيتة الماروتى فبماذا تنصحون
بارك الله لك فيها و متعك بخيرها و كفاك شرها
الماروتى من أفضل الإختيارات, فلوسها حلال و بتقضى فى الزنقات و موفرة و أسعار الصيانة و قطع الغيار رخيصه و ميكانيكتها بسيطه و سهله, و كفاية أنها يابانى (حتى لو تجميع هندى أحسن برضه من التقفيل المصرى)
أكشف عالعربيه عادى كأنها مستعمله, يعنى إتأكد من إن لحامات القوايم و الرفارف و الدواخل كلها لحام كبس الفبريكه مش لحام يدوى
إكشف على الفروقات (المسافه بين الأبواب و القوايم من الأربع جهات, يعنى المفروض الشركه مش بتخرج عربيه فيها أى عيب, لازم تكون المسافه واحده بين الباب و العتب و القايم و السقف و المفصلات
إتأكد إن الفتيس سليم و نقلاته سهله
شوف صوت الموتور أيه, المفروض طبعاً يكون منتظم و هادئ حتى لو فاتح الكبوت
إطمئن على حالة الكاوتش و الشنطه و لو فيها أى إكسسوارات (زى الكوريك أو ....بصراحه معرفش إكسسوار الماروتى أيه)
اكشف عالكهربا: جرب الإشارات و الإنتظار و الإستوب و الكلاكس و أنوار الصالون و العدادات و لف الدركسيون يمين و شمال للآخر لو فيه عضه أو تقيل ....
طبعاً أول حاجه تلمحها عداد الكيلومتر, المفروض أنها لسه جديده يعنى مشيت 20/50 كيلو بس, إنما لو عدت الـ 200 يبقى جابوها من الميناء لحد المعرض سواقة (علشان يوفروا ثمن النقل) و أكيد قرصوا على الموتور جامد.( و إن كنت أستبعد أن حد يقرص بماروتى فى سفر)
مفيش حاجه تانى فى بالى دلوقتى و الأهم الإستخارة قبل ما تدخل المعرض أو التوكيل
دمتم بود
__________________
|