المشاركة الأصلية كتبت بواسطة zing0
بص يا ريس
المياة الخضراء و الحمراء عبارة عن مياة مقطرة و عليها مركبات كيميائية بتخلى درجة الغليان أعلى من الطبيعى, يعنى بدل متغلى على 100 درجة تغلى على 110 مثلاً و فى نفس الوقت فيها موانع تجمد فى الدول اللى بينزل فيها ثلج علشان المياة متتجمدش جوة البلوك و الريداتير
الكلام ده ممتاز بس المشكلة إن المستوردين عندنا غاويين غش, يجيب مياة حنفية و يحطلها بودر ملون و يعبيها فى زجاجات شيك و يقولك دى نمرة واحد.
فتجنباً للغش يفضل تستخدم مياة التكييف المقطرة_ أو أى مياة مقطرة من أى مصدر_ و تضيف ليها علبة كولانت Coolant "إضافات تبريد للريداتير" فى الصيف. فى الشتاء المياة المقطرة وحدها قد تفى بالغرض لو دورة التبريد سالكة و المراوح مضبوطة.
أفضل الأنواع الجاهزة زى ما الإخوة قالوا.. موبيل بس المهم متكونش مغشوشة
يعنى لو هتشتريها تشتريها من بنزينة موبيل نفسها (مش بنزينة واحد مأجرها من موبيل)
أعانك الله
|
اسمحلى اضيف حاجة صغيرة خالص ...
المادة الى بتأخر غليان المياه اسمها ( داى ) ايثيلين جليكول و بتتباع عند بتوع الكيماويات فى العتبة ... التر ب 15 جنيه و عند خلطها بنسبة 50% للماء .. بترفع درجة غليان الماء لقرابة ال 130 درجة
تقبل مرورى
