المشاركة الأصلية كتبت بواسطة tham1010
انا عاوز اعرف ليه التفاوت فى اسعار الرخام على حسب لون الرخام. يعنى الرخام السمنى او البيج الفاتح بيكون رخيص والاحمر والبنى اللى مبطش بأسود بيسموه اسوانى باين بيكون اغلى اما الرخام الاسود او الأبيض او الاخضر السادة فهو الاغلى. عاوز اعرف اهل اللون هو الللى بيخلى الرخام يتفاوت فى الاسعار؟ ما هو ارخص متر رخام وما هو اغلى متر رخام فى مصر؟
|
الرخام الاصفر او البيج دة رخام مصرى اسمة جلالة او لو محمر بسمى صنى ودة رخام ضعيف جدا ومشاكلة كتير منها بعد التركيب ب6شهور الرخام بينقر ويحفر ودة سعر الارضيات بيكون فى حدود من 150 الى 200 جم للمتر المربع
اما الرخام الاخضر وبعروق بيضاء اسمة اخضر هندى وسعرة فى حدود 400 جم للمتر المربع
اما الرخام البنى المبطش ببيج او اسود دة اسمة امبرادور دارك ودة رخام اسبانى وسعرة 500 جم للمتر المربع
يعنى فى المجمل الرخام المصرى سيئ جدا بكل انواعة . اما الجرانيت المصرى فهو افضل انواع الجرانيت على مستوى العالم
ونصيحة لكافة الاعضاء عند تركيب رخام للمطابخ ركب جرانيت مصرى احسن 100 مرة
انواع الجرانيت المصرى
البيج . فردى غزال سعر متر مربع للقرص و المطابخ فى حدود 350جم
الجرانيت الاحمر . فى نوع اسمة فرسان و اخر اسمة احمر غردقة وجندولا فى حدود 375 جم للمتر المربع
اما عن اغلى الانواع للمتر المربع فى نوع اسمة اونكس ودة رخام شفاف يعنى ممكن تحط اضائة من ورا الرخام وسعرة 4500 جم للمتر المربع
هحاول ارفع صور للرخام الاونكس لفيلا بركبها رخام فى التجمع الخامس
واخيرا انا مش قصدى اسوق لنفسى لانى باخد تشطيبات فيلات كاملة ربنا يرزقنا ويرزقكم
الهدف ان لو فى احد الاعضاء واحد بتاع رخام بيحاول يشتغلة فى الانواع او فى الاسعار انا فى الخدمة