[blade2011]

انا يا جماعة مامن مع مصر للتامين اسوء شركة تامين فى مصر وللاسف كان عندى تجربة سيئة معاها بس قولت لما اكمل معاها واهو الللى نعرفة احسن من اللى مانعرفوش وفعلا أمنت معاهم وجددت التامين بس للاسف ويارتنى من تلات اسابيع حصلتلى حادثة واللى حصل فى العربية هو تلف فانوس ورفرف واكصدام اليمين المهم اخدت العربية وروحت مركز خدمة فى المنصورة وبعدين بصراحة سمعت عن مركز الخدمة دة كلام مش كويس المهم سحبت العربية وروحت التوكيل وهو منصور شيفرولية دفرا ( اللى جمب طنطا ) وبعدين عانيت مع شركة التامين ان حد يعبر امى ويروح التوكيل ومافيش واخدت معادين وبالفعل اخدت يومين اجازة وروحت ومافيش حد عبر اهلى ولا راح عاين المهم راح النهاردة البية مندوب التامين اخيرا يعنى لاحظوا بقة معايا انا خسرت اية الاول يومين من شغلى وعطلة ومواصلات وتعطيل ولطعة وماحدش عبرنى المهم بعد لما جة البية المندوب قدم مقايسة للتوكيل رفضها التوكيل ولية بقة رفضها عاوز يدى للتوكيل سمكرة 150 جنية فى تركيب فانوس ورفرف واكصدام طبعا التوكيل قالة لا ماينفعش تخيلوا يعمل اية يقوم يمشى ويسيب المشكلة ويسيب الموضوع واكلم التوكيل اتفاجأ ان العربية اخدت رفضت عشان البية خاسف من سعر التوكيل الارض وماحبش حتى يتفاهم معة لا وقام من غير حتى مايحاول يحل المشكلة بالعربى يعنى اخبط راسك فى الحيط دة اللى عندنا ... كلمت التوكيل اراجل كلمنى وهو بيموت من اللى شافة مع البنى ادم دة وقالى شوف بقة التامين لو ينزلوا واحد تانى يعاين لو دة رفض
المهم كلمت البية اللى ماسك الحوار واللى بيطلع اوامر الشغل يقولى اية بقة لا ماينفعش اطلعلك واحد تانى دى روول عندنا فى الشركة لكن هاحاول اوصل لحل مع المندوب وطبعا واللى انا متوقعة ان مافيش حاجة هاتحصل وان اللى هايتقال دة اللى عندنا واولع واخبط راسك فى الحيط لانى لاحظت دة فى كلامة وبصراحة انا قرفت من ام دى شركة على ام دى بلد مافيهاش محاسبة لاى شركة تامين انا قرفت اعمل اية يعنى الطبيعى ان المفروض البية المندوب يقعد مع التوكيل ويحاول يوصل معاة لحل مرضى ويقوم مش يسيب الحوار وهوة دة اللى عندنا ويمشى حتى من غير مايبلغ العميل صاحب المشكلة ولا حتى حد يحاول يتصل بيا يقولى اية الموضوع ولا نتفق على اية ثم ثانيا مش انا مأمن يعنى المفروض من حقى اصلح فى التوكيل اية بقة فية اية التعسف وعدم احترام الغير دة وعدم الاهتمام حتى بمشاكل الناس اية القرف دة بجد اعمل اية ياجماعة قوليلى اعمل اية دة اذا كان رفرف وفانوس واكصدام لانوس عملوا فية كل دة اما لو روحلتلهم بقة بمصيبة فى العربية ولا خبطة فى وش العربية ولا حتى هلاك جزئى ولا مقايسة من اللى بنسمع عنها ب 15 ولا 20 الف جنية دة اذا كان مقايسة مش هاتكمل 3000 جنية عملوا كل دة امال هايعملوا فيا اية لو فية مصيبة فى العربية على كدة ولا هايعبرونى يا جماعة للمرة المليون ماحدش يأمن مع الشركة دى ماحدش يأمن مع مصر للتامين تانى عشان شركة فاشلة وسيبك من اسمها المهم الخدمة اللى بعد كدة خدمة زبالة وسيئة جدا ......
طبعا انا متوقع حد يطلعلى يقولى اصل فية بند مستخبى فى الوثيقة بيقول كذا فاانتا بقة غلطان اصل انتا مش فاهم اصل انتا مش واخد بالك
انا قرفت بجد قرفت بجد من دى شركة انا اضرب نفسى بالجزمة انى جددت التامين معاهم اصلا