المشاركة الأصلية كتبت بواسطة nader hassan
الف مبروك اولا
هو فى شبكات كتير فى السوق ممكن تتركب بس من رائى انك تبدل بالكشافات الاصليه شكلها حلو مش وحش
وكمان لو انتا من القاهره عندك سوق التوفيقيه فى كل حاجه
عايز اعرف انتا اخدها بكام علشان انا عمال ادور بس عايز اعرف الاسعار ايه ولو عندك نصيحه ليا اخد بالى منها وانا بشتريها يارت تقلى.
كل سنه وانتا طيب
|
الف شكر على ردك و كل عام و انت و الأمة الاسلامية و مصر بخير
أنا عندى الكشافات متركبة صحيح هيا متلخلخة بس موجودة و الشبكة مكسورة جبتلها شبكة تانية ب 30 جنيه
و أنا من اسكندرية
و العربية أنا واخدها ب 8500 جنيه هيا سعرها حلو بس عايزة شوية شغل رفيع بس أساسياتها تمام و موتورها بيشد كويس و عفشة ممتازة و جنوط سبور و طارة
بس عايزة شوية سمكرة فى حتت متفرقة و رشة بوية نظافة و أكرة الباب اليمين و حاجات رفيعة كده
أنا مكنتش عايز أجيب فيورا أو أى عربية تشبها لأنى مبحبش شكلها و حاسس ان اللى صممها كان شارب حاجة و هوا بيصمم الوش بتاعها ,أنا كنت عايز 127 توب أو 128 عادة أم فانوس مدور لكن علشان أنا زهقت من اللف على عربية سليمة لقيت دى بالصدفة عند دكتورة صيدلانية جنبنا فشوفتها و فحصتها و توكلت على الله
و بالنسبة للأسعار فيه ناس كتير بتبالغ فى الاسعار المهم انت شوف العربية و خد معاك واحد بيفهم كويس فى العربيات
- أهم حاجة بص على العربية فى النهار و ضوء الشمس دى مهمة جدا متبصش على أى عربية بالليل
- بص فى الحوض و الشنطة تحت الفرش على أى شروخ أو تصليحات
- ارفع العربية فى أى بنزينة و شوفها من تحت و بص على الشاسيه
- دور الموتور و شوفه لو بيدخن أو عادم لونه متغير
- خد صاحب العربية و أطلعوا جربوها فى مشوار طويل و خده فى طريق يكون نصه زحمة و نصه طوالى سريع ( دى صعبة شوية بس ضرورية )انا كنت بأعمل كده و كنت بأحط بنزين لصاحب العربية ب 20 جنيه علشان يرضى يمشى معايا , اهو لو العربيى سليمة مخسرتش حاجة و لو العربية بايظة يبقى أنا كشفت عيوبها ب 20 جنيه و ربنا يبارك لصاحبها
و على العموم دور فى المنتدى على مواضيع ازاى تشترى عربية مستعملة
و ربنا يوفقك و تلاقى حاجة حلوة و لو ربنا كرمنى بحاجة فى سكتى هأبعتلك
*