المشاركة الأصلية كتبت بواسطة omardivel2005
تنظيف دورة البنزين بالمواد الكميائية المتواجدة فى الاسواق التى تستعمل لتنظيف التانك و المواسير والخراطيم من الشوائب...... السؤال بقا الشوائب و الرواسب دية بتروح فين وهل من الممكن أنها تسد الرشاشات ؟؟؟ وشكرااااااا
|
اشك فى انهم اخترعوا مواد تعمل كده و على رايك الشوائب دى حتروح فين ؟ ساعتها الشوائب حتروح للفلتر و تسده فوريا و مش حتعدى الفلتر للرشاشات و لو عدت تبقى كارثة
الحل الوحيد لتنظيف الحاجات دى هو الفك و التنظيف فى ورش متخصصة
اما الموجود فى الاسواق فعليا فدى بالرغم ان مكتوب على بعضها full fuel system cleaner يعنى منظف دورة الوقود بالكامل بس مقصود بيه ( و ده متوضح على ظهر العبوة )
1- الرواسب فى الرشاشات
2- الرواسب الكربونية على اسطح غرف الاحتراق
3- الرواسب حول الصمامات
و طبعا كل الرواسب دى بتدوب او تحترق تحت تاثير المنظف و تحترق فى دورة الحريق و تخرج من الشاكمان