**عاوز العربيه ميبقاش ليها صوت أدخل وانا أقولك <<
بسم الله الرحمن الرحيم
كل اللى بيشترى سياره مستعمله وبالاخص الفيات "128 و 127 و 125 و132 و 131 والريجاتا "بيعانى من ان صوت العربيه بيبقى عالى ومزعج الحل أنشاء الله كتالى::
أولا :: التكيهات ثم التكيهات ثم التكيهات "تظبت تكيهات" وتقول للراجل العربيه بترعش وصوتها عالى هو عندة اطباق اللى بيظبت بيها العربيه 128 ..قولها عاوز العربيه خارسه 30ج
ثانيا::الشكمان ثم الشكمان ثم الشكمان تراجع على الشكمان وبالأخص من عند الافيز "الزور" تركبله جوان ويراجع على الشكمان لو فيه خرم يلحمه تروح لبتاع الشكمانات تقوله انا عاوز احط ايدى على مخرج الشكمان العربيه تبطل يعنى ماسمعش صوت تنفيس 20ج
ثالثا:: بلية الدينمو تتشحم او بالمزيته يزيتهالك ولو فيها حاجه تتغير بواحدة جديدة 40ج
وتظبت الكهرباء بتاع العربيه "الأسبراتير" خلى المكانيكى يظبتهولك بحيث المكنة متبقاش هايجه تروح للمكانيكى قوله عاوز اظبت الكهرباء المكنة هايجه التكلفه 15ج بالكتير
لو عملت ال3 حاجات دول اقسم بالله العظيم ما هتفكر تبيع العربيه وهتدعيلى 
التعديل الأخير تم بواسطة star_poison ; 03-02-2015 الساعة 10:25 PM
|