المشاركة الأصلية كتبت بواسطة عصام جلاب
شكرا على النصيحه وجزاكم الله خيرا
انا غيرت العجل وركبت العجل بتعها الاصلى والحمد لله الحكه راحت والعربيه بقت تمام لكن عاوزة شوية تظبيط فى العفشة والعفشجى قالى عاوزة علبة دريكسيونوبيضةوجلبة مقص عشان العجل الجنوت اللى كانت راكبة عليها اثرت عليهم
ياريت حد يفيدنى الحاجات انشاء الله هلاقيها وهتكلف قد ايه لان خلاص حتطها فى دماغى ومش هسبها
|
شوف يا عُص اتبع القاعدة دى وان شاء الله كل شىء هايكون تمام
(حديد على حديد يفعل الله مايريد)
الحديد فى العربية اولا هوه العفشة وثانيا الصاج
ورأيى ان مافيهمش مشكله لانى لغاية دلوقتى ماشوفتش عفشة(مهما ان كانت )مابتتصلحش وكذلك الصاج(السمكرة يعنى)
وطالما العربية عجبتك وخطيتها فى دماغك يبقى هاتعدى بيها (عندك استعداد تصرف؟؟؟؟؟) لو ايوه يبقى تدور على عفشجى واتنين وتلاته واكيد(بإذن الله )هتلاقى اللى يفصصهالك ويلمهالك تانى ويعمل لك الصح
والسمكرة طبعا مفروغ منها
اما بقى الفرش والكهرباء والحاجات الداخليه دى لو مالاقيتش اللى يناسب عربيتك يبقى هاتتعمل وواحده واحده هاتعرف كل حاجه
انت بتقول جايبها عشان تتعلم عليها ..... يعنى لسه فى البدايه
اتعلم عليها كده (قبل شغل السمكرة والتجديد لو هاتجدد) لكن ظبط الاساسى
ميكانيكا-عشان تمشى وماتعطلش وكذلك الكهرباء
والعفشة عشان تتعلم بأمان ومافيش حاجه تحدف كده ولا تحك كده ولا امر كده ولا كده
فاهمنى كده؟؟؟؟؟؟؟ ههههههههههههه
وشكل العربية واخد كتير من 128 فعلا الهاتش باك (اللى عامله زى الزيستافا)
واقول على القاعدة الاخير من عندى (طالما فى موتور وقاعد على 4 عجلات) تبقى عربيه هاتتعلم عليها وتروقها وتقضى بيها مصالحك وتتفسح كمان ومش خسارة 5500 فى عربية ماهى برضه عربيه
المهم تتابع بإذن الله مع المنتدى والخبراء اللى فيه وهم مش قليلين
اديك سألت سؤال وشوف كم واحد افادك وعلى رأسهم طبعا الشيخ طارق
دعواتى لك بالتوفيق وبقيادة آمنه ومريحة