[kj1]

المشاركة الأصلية كتبت بواسطة محمدصلاح القاضى يا جماعه التقرير جامد جداااااااا لكن احب اوضح حاجات مش حاجه واحده ان ال132 انا ركبت النوعين اللى اتنين GLS و 2000 والاتنين كانوا على ابوهم فبريقه طبعا كانت معانا الدهبى GLS موتور 1800 كانت جباره مشى تروح فى اى حته بيها مش مشكله معاك وكان اى حد يشوفها يريل على العربيه دى بجد كانت مفيهاش قلم بويا برا ولا جوا حاجه ايه كانت موديل 77 وكان والدى ايامها شغال فى السعوديه وفضلت مرفوعه اكتر من 17 سنه كان بيتخلل الفتره دى اجازات تمشى اسبوعين وتترفع تانى والعربيه دى بجد ندمت عليها اما حصل لها اللى حصل لكن الحمد لله على كل شىء ومعايا دلوقتى ال 2000 موديل 79 عربيه بجد بتاعت شغل وشقى مش بتاعت براحه وحاسب المطب العربيه دى بتجيب معايا على الطريق 160/170 كيلو لو حملت شويه على دواسة البنزين مش هقولك بقرص على الغيار وومكيفه وباور وسنتر وازاز كهربا وجميع الكماليات شغاله تمام وزى الفل والعربيه دى تانى يد من الزيرو كانت واقفه فى جنينه بتاعت الفيلا والحمد لله اشترتها مفيش مسمسار اتفك فيها عداد كيلوات 50 الف كيلو بس وفعلا حالة العربيه تقول كداااا تخيل عربيه واقفه من سنة 82 لحد 2005 وتجى تدورها عشان تمشيها يادوب تشترى اربع فرد كاوتش وبطاريه وغيار زيت موتور وكارونه وفلتر وتدور تدور من اول تكه حاجه بسم الله ماشاء الله لا والمفاجأه انك تشغل التكييف تلاقيه تلاجه فى 3 دقايق وبعدين اللى يقول ان 132 بتاكل بنزين يبقى مش تمام لان العربيه عندى بتعمل 220 كيلو طوالى فى الصفيحه 180/190 كيلو جوا البلد اظن استهلاك زى العربيات الجديده وموتور 2000 موتور ما اتعمرش لحد دلوقتى وفتيس منزلش لحد وقتنا هذا ودى شوية صور ليها وانتم اللى هتحكموا عليها