رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
الاعطال الى انا شوفتها اغلبها كانت مع 128 - اول عربية اتعلمت عليها السواقة.
1- قدام المتحف المصرى ومعايا جدتى ووالدتى والعربية بطلت خالص، المهم من الخبرة قولت التانك فضى جالى عسكرى مرور وقالى طبعاً عايز ميكانيكى وكان عايز يجيب الونش ويرفعها قلتة هى بس شوية بنزين اقرب محطة فين، مع جركن 3 ليتر وكل بقا تمام.
2- سلك الدبرياج كنت بغيرة بايدى على طول وكنت شايل منة واحد فى العربية مع عدة كاملة .
3- كنت بجيب سلك الدبرياج الطويل، المهم الحتة الزيادة خرمت ماسورة الماية للريداتير والعربية سخنت جدا ويوميها اتلسعنا من المية ولحمنا الخرم بشريط لحام - تصريفة - وبعدين مشينا بس جابت جوان وش سلندر بس وربنا ستر.
اما العربيات الاخيرة فهية مرة واحدة فتيس الاتوماتيك مرديش يتحرك ، اتصلت بمركز الصيانة قلى افك الترباس اذاى واتحركت ورحت المركز وخدت يوم تصليح.
والسلام ختام
|