رد: صوت غريب فى كارونة الشاهين
الحمد الله
فكينا الكرونه وطلعنا عمودالبنيون ودبشة الدفرنس كلها
وطلع كله سليم المشكله كان بلية الأكس اليمن بايظه على الرغم لسه مغيرها من شهرين ببليه أيطالى كانت عامله 35 جينه بس جبت واحده بولاندى عامله 60 جينه ممتازه جدا
وكمان كان الرمان بلى الى فى الديفرنس الأتنين مبوشين جبت أتنين ألمانى نوعهم skf زى الأصلى ألى كانوا راكبين الواحده عامله 150 جينه
وغسلنا الكارونا بالكامل بالنزين ونضفناها كويس وركبنا كل حاجه زى ما كانت صوت الطحنه والخشونه راحت حتى العربيه فى السحب بقة ممتازه
بس الصوت القديم لسه موجود الميكانيكى رجح انه المشكله فى عمود الكردان علشان الصليبه الى كانت بايظه فتره طويله مع الضغط وقال يستحسن يترصص بس طبعا مفيش اى ورش للترصيص هنا إن شاءالله لما أنزل القاهره أشوف اى ورشه كويسه أرصص الكردان وياريت تنصحونى بأفضل ورشه للترصيص وهل لازم أجبله الكردان مفكوك ولا ممكن أجبله العربيه ويفك الكردان عنده
نصيحه: اى رمان بلى متجبهوش من محل قطع غيار السيارات هاته من محل يكون متخصص فى رمان البلى او قطع غيار ألات زراعيه هتلاقى اى رمان بلى انته عاوزه اصلى وممتاز بس هتلقيه غالى شويه
شكرا
|