المشاركة الأصلية كتبت بواسطة samirayad
للأسف
وجهة نظر السواق منطقيه
فحاول تروحلهم تانى
وفهمهم وجهة نظر السواق
فوارد يكون ميكانيزم البليه عاوز يتلين برش مزيل صدأ مثلا
من خلال العمود المتخلل للفتيس من الأمام لسحب بلية الدبرياج
وقت الضغط على الدبرياج لتفصيص مكونات الدبرياج
|
ميرسى كتير لرد حضرتك السليم وانا لما هكلمهم تانى فى التوكيل هقول نفس كلام حضرتك
المشاركة الأصلية كتبت بواسطة احمد على 1999
و الله عن نفسى اول ما اشتريت اللانوس و هى زيرو لاحظت نفس الحكاية (صوت واطى جدا بيروح لما ادوس دبرياج) بس لغاية دلوقتى (210 الف كيلومتر) محصلش من الصوت مشكلة فأفترضت انه طبيعى
|
انا قولت نفس كلامك وسكت شويه بس الصوت بقى يزعجنى فعلا علشان كده أنا أبتديت أسأل
المشاركة الأصلية كتبت بواسطة gad_fcis
أنا كمان عندي نفس الصوت في عربيتي بس مش بيحصل على طول، و لم بدوس دبرياج الصوت بيروح
العربية سوزوكي التو 2008
السؤل هنا هل الموضوع لو إتسكت عليه يأثر على إيه بعد كدة ؟؟
|
معرفش أذا كان ليه تأثير جانبى حين لو أفترضنا أن الصوت طبيعى وسكتنا عليه !
المشاركة الأصلية كتبت بواسطة eng_ahmed_90210
هل من المعقول ان بليه الدبرياج باظت و العربيه موديل السنه ... لما بليه الدبرياج بتبوظ بيبقي في صوت صوصوه مش كركره ... عموما ارجعلهم تاني معلش و خليهم يكشفوا علي طقم الدبرياج بس هل حضرتك متابع الصيانه الدوريه معاهم ؟ و العربيه عامله كام كيلو دلوقتي ؟ِ
|
فعلا أنا مش قادر أفهم أزاى العربيه جديده ويحصل كده وفعلا أنا هرجع ليهم تانى فى صيانه الـ 5000 \كم لأن العربيه لسه عامله 4300 \كم وربنا يسهل