المشاركة الأصلية كتبت بواسطة حـسن
والله يا اخى العربية دى عاشت معايا كتير وكانت اول عربية فى حياتى
وخبرتى فيها كبيرة من كتر العشرة والسنين
والاخوة نصحوك بما يكفى
ولكن حابب اقول لك بعض النصائح السريعة :
- العربية 127 افضل بمراحل من 128
بالرغم من ان العربية 128 اوسع
- قطع غيار 127 اغلى حاجات بسيطة من 128 !
- ابعد تماما عن انك تشد عربية وخاصة انة واضح انك جديد على التعامل مع العربيات ، صدقنى اوعى تفكر تشد عربية هتتبهدل بهدلة جامدة جدا لانى جربت الحوار دة واقسمت بالله ما اشد عربية تانى ابدا
- اشترى عربية مشدودة على طول حتى لو اغلى شوية لان دة هيريحك نفسيا كتير ويخليك تحب العربية لانة فى الغالب مش هيكون فى اعطال سريعة
- العربية اقتصادية جدا جدا فى نفقاتها سواء استهلاك بنزين او قطع غيار
يعنى لو صرفت الف جنية عليها بتظهر عليها وتتروق لفترة كبيرة
- مبلغ 13 الف يجيب لك حالة جيدة نوعا ما ولكن تحتاج تدور كتير وتفحص
- اهتم بالصيانة الدورية للعربية علشان متعطلش منك بشكل مفاجئ
- العربية حلوة صراحة وجراية وخفيفة وتحس بعد فترة من التعود ان سيطرتك عليها سهلة لصغرها وبساطتها
- حاول ربنا يعينك وتخلص فى عربية قبل زواجك علشان تتعود عليها وتعدى هذة المرحلة قبل الزواج لان العربية للمتزوج عموما شئ مهم للغاية فى ظل ظروف مواصلاتنا الغريبة
- لكن فى الاول والاخر متنساش انك بتتعامل مع عربية عمرها فى السوق حوالى 30 سنة
يعنى محتاج محافظة وتعامل خفيف واول ما تحس ان فية شئ مش طبيعى بالعربية متكسلش علشان المشكلة لا تكبر وتأخذ معاها امور اخرى
يجب الاهتمام السريع باى عطل صغير كان او كبير
هذة بعض النصائح التى خطرت ببالى بخصوص 127
وتقبل تحياتى
ومبارك عليك الزواج ان شاء الله
والله يعينك وييسر لك الامور للافضل
|
والله مش عارف اقولك ايه علي معلوماتك القيمة دي ربنا يباركلك و يجعلها في ميزان حسناتك يارب ......
والله بالنسبة للسعر انا ممكن اجي علي نفسي شوية و اخليهم 15 و هاستلف الفارق و خلاص ده لو هالاقي حاجة خالتها كويسة ان شاء الله و ربنا المعين