رد: سيينا 2001 - 1600 سي سي - الموتور بيبطل و انا سايقه
علاج المشكله يكون كالتالى
قبل ماتدور العربيه (يعنى العربيه بارده) تفتح الريداتير وتحط كوبايه سولار او شويه ملح ليمون كويسين وبلاش خالص تحط مياة نار لانها هتجيب جوان وش السلندر ع طول
تانى حاجه اذا كان الريداتير ناقص زوده واقفل الغطا كويس
وسخن العربيه واطلع امشى 5 كيلو على الاقل وبعدين ارجع البيت
وافتح غطا الريداتير بس براحه جدا واستعمل فوطه وكون حذر لان فى بخار مايه هيطلع من الغطا ولاقدر الله ممكن يحرق ايديك
تم فتح الغطا دون اى مشاكل
دور العربيه وبعدين زود بنزين من سلك البنزين (من عند الموتور) وانت مزود بنزين بص على الريداتير شوف المايه ماشيه فيه ولا واقفه وزود بنزين لحد ما المايه تطلع من الريداتير كدا اول حاجه ان طرمبه المياه شغاله تمام
اطفى العربيه وفك كوعة المياه اللى داخله الريداتير من فوق بس برده براحه لان المياه سخنه وجيب خرطوم مياه وحطه فى الريداتير ودور العربيه تانى
وشغل الخرطوم بتاع المياه وسيب العربيه تنضف دورة المياه هتشوف بلاوى نازله من الكوعه
وسيب المياه شغاله والعربيه دايره لحد ماتلاقى المياه بقت نضيفه جدااا سيب كل حاجه زى ماهى
يعنى العربيه دايره والمياه شغاله ركب بقا كوعة المياه فى الريداتير تانى وزود بنزين وشيل الخرطوم واذا كانت القربه وسخه فكها ونضفها وبعدين املاها مياه واطلع جرب العربيه
وان شاء الله هتدعى لى
__________________
دا لينك اولتراس فيات 132
دا لينك صفحتى على الفيس بوك
|