السلام عليكم
تم عمل صيانة ال 240 الف كم ... و اليكم بعض الملاحظات
صورة سير الكاتينة الاصلى و رقمه ... و السير بيتغير كل 80 الف
و تم تغيير بلية الكاتينة .... الاصلى كانت ب 275 جنيه ... و بتاعة ال BYD الاصلى ( الصينى ) ب 120 جنيه
دى البوجيهات ... و ظاهر انهم اتحرقوا ... و انا نسيتهم شوية ...
و باين من اصفرار الخزف الملاصق لجسم البوجيه ان البوجيه ده اشتغل كتير و حصله over cooked
و اهم حاجة .... رقم البوجيه ... BKR5E ... و نوعه NGK ... المشكلة ان سعرهم فى التوكيل 140 جنيه ... فى حين ان نفس الطقم بيتباع ب 60 جنيه !!!!!
B يعنى قطر البوجيه 14 مم ... K البوجيه بيتفك بلقمة 16 مم ( 5/8 ) بوصة .... R يعنى البوجيه ده فيه مقاومة
و تم فك البوابة و تنضيفها و تنضيف حساس الايدل ....
الى يعرف بتوع ايع ال 6 بنات الى فى حساس الايدل ياريت يشرحلنا
و حساس الايدل مش بيتفك من بعضه زى حساس ال BYD !!!!
اهم حاجة ان البوابة لازم تتفك علشان تتنضف برة .... تنضيف البوابة و هى راكبة بيخلى كل التراب و الوساخة الى كانت على البوابة و الى جوة المنفولد تدخل على البساتم
دى صورة التاكيهات
و دى زى بتاعة ال BYD
كاوتشات غطاؤ التاكيهات ... الى بتمنع الزيت انه يدخل على البوجيهات كانت بتجيب زيت على البوجيهات من فوق ... و بعد الفك .. اتضح انهم نشفوا جدا .... و نظرا انى ما كنتش عامل حسابى ... فتم تركيب طقم ال BYD الصينى ..... ب 75 جنيه
و تم تغيير زيت الباور ... و كمان زيت الباكم .. و تم تغيير زيت الفتيس المانيوال .. و تربيط العفشة ... و تغيير تيل فرامل امامى ... سعره التهاردة 650 جنيه
... و عمل رجلاش للفرامل الخلفية
اى استفسار انا فى الخدمة